Hramadstva6060

U Nacyjanalny saviet Capkała i Karač uvajšli 17 čałaviek. Chto hetyja ludzi?

Forum demakratyčnych sił, jaki źbiraŭsia ŭ Bierlinie, učora ahučyŭ svoj płan — stvaryć Nacyjanalny Saviet Respubliki Biełaruś i pravieści ŭ jaho vybary. Jany prosiać AAN, ABSIE, Saviet Jeŭropy, Jeŭrapiejski parłamient akazać im dapamohu ŭ praviadzieńni vybaraŭ i dasłać mižnarodnych naziralnikaŭ. Pastanovu pryniaŭ «časovy Nacyjanalny saviet». Daviedalisia, chto ŭ jaho ŭvachodzić.

Vieranika Capkała, Volha Karač i Dźmitryj Bałkuniec. Fota apošniaha: Dełfi

Voś časovy skład Nacyjanalnaha Savieta:

  1. Dźmitryj Bałkuniec
  2. Vieranika Capkała
  3. Volha Karač
  4. Anatol Kotaŭ
  5. Jaŭhien Vilski
  6. Valeryja Vałodzina
  7. Vadzim Dźmitranok
  8. Viačasłaŭ Japiška
  9. Volha Katovič
  10. Michaił Kučaraŭ
  11. Anton Małkin
  12. Taćciana Sivačenka
  13. Alaksiej Franckievič
  14. Rusłan Chazin
  15. Viera Chortan
  16. Luboŭ Šabaršyna
  17. Vital Dziadziuk

Vybiraŭsia skład hałasavańniem na Forumie demsił, jaki prachodziŭ u lipieni ŭ Bierlinie. Pavieł Łatuška, Śviatłana Cichanoŭskaja i ich kamandy nie prysutničali na hetym mierapryjemstvie.

Imiony palitołaha Dźmitryja Bałkunca, Vieraniki Capkały, Volhi Karač, Anatola Kotava (były supracoŭnik administracyi prezidenta, ciapier raźvivaje ŭłasny prajekt «Fabryka dumak») hramadskaści viadomyja. Chto astatnija ludzi?

Jaŭhien Vilski — člen partyi «Narodnaja hramada», u 2020-m byŭ kaardynataram inicyjatyŭnaj hrupy Cichanoŭskaj pa Viciebskaj vobłaści. Pierad vybarami jaho zatrymlivali, Jaŭhien siadzieŭ u Navapołackim CIPie.

Jaŭhien Vilski. Fota: skrynšot jutub-kanał «Daktary za praŭdu i spraviadlivaść»

Valeryja Vałodzina — biełaruska ŭ Šviecyi. Biznes-trenierka, niejrakoŭč, psichołah.

Valeryja Vałodzina. Fota: skrynšot jutub-kanał Forumu demakratyčnych sił

Vadzim Dźmitranok — architektar, člen pašyranaha składu Kaardynacyjnaj rady. U listapadzie 2020-ha jaho zatrymali na akcyi na Płoščy Pieramien i mocna źbili. Vadzimu dali 3 hady chimii pa artykule 342 KK. Paźniej jon zmoh pakinuć krainu.

Vadzim Dźmitranok. Fota: fejsbuk

Viačasłaŭ Japiška — pradprymalnik i historyk z Bresta. Zajmaŭsia markietynham i prodažami. Delehat płatformy SCHOD (alternatyvy Pałacie pradstaŭnikoŭ).

Viačasłaŭ Japiška. Fota: shodbelarus.org

Volha Katovič — aktyvistka i ŭdzielnica Biełaruskaha abjadnańnia rabočych.

Volha Katovič. Fota: skrynšot jutub-kanał Biełaruskaha abjadnańnia rabočych

Michaił Kučaraŭ — udzielnik prajekta elektronnaj dziaržavy eBelarus i kiraŭnik Sajuza biełarusaŭ Luksiemburha.

Michaił Kučaraŭ. Fota: skrynšot jutub-kanał FreeInfoBel

Anton Małkin — z dyjaspary biełarusaŭ Hiermanii, pravaabaronca.

Anton Małkin. Fota: skrynšot jutub-kanał «BiełDyjasparaTB»

Taćciana Sivačenka — z kamandy fondu «Kraina dla žyćcia». Člen AHP rodam z Mahilova, była davieranaj asobaj Cichanoŭskaj na vybarach. Dvojčy zatrymlivałasia, paśla čaho vyrašyła pakinuć Biełaruś.

Taćciana Sivačenka. Fota: skrynšot jutub-kanał «Kraina dla žyćcia»

Alaksiej Franckievič — były pradprymalnik, jaki emihravaŭ ź Biełarusi jašče ŭ 2006 hodzie pa palityčnych matyvach. Atrymaŭ prytułak u Čechii, ale paźniej admoviŭsia ad statusu biežanca. U 2020 hodzie Franckievič viarnuŭsia ŭ Biełaruś, ale z-za represij i kryminalnaj spravy byŭ vymušany znoŭ emihravać.

Alaksiej Franckievič

Apošnim časam Franckievič žyvie ŭ Lvovie, dzie ŭznačalvaje Biełaruski kryzisny centr. Da vajny jon dapamahaŭ biełarusam, jakich pieraśledavali z palityčnych pryčyn, ciapier kaža, što dapamahaje ŭkrainskaj armii i biežancam.

Haradzieniec Rusłan Chazin amal 20 hadoŭ pracavaŭ na «Hrodna Azocie», ale ŭ 2012 hodzie zvolniŭsia i zarablaŭ na žyćcio elektramantažnikam u Sankt-Pieciarburhu.

Rusłan Chazin

Jon sam raskazvaŭ, što ŭ 2020 hodzie ŭdzielničaŭ u akcyjach biełaruskaj dyjaspary ŭ Pieciarburhu, taksama dapamahaŭ represavanym biełarusam vybiracca za miažu. Paśla hetaha im zacikaviłasia rasijskaja palicyja.

Chazin emihravaŭ u Varšavu, dzie kaardynavaŭ pracu biełaruskich dyjaspar, udzielničaŭ u prajektach pad mientarstvam Narodnaha antykryzisnaha kiravańnia, stvoranaha Paŭłam Łatuškam.

Viera Chortan (Lubimava) — uradženka Biełarusi, jakaja žyvie ŭ Anhlii.

Viera Chortan

Paznačana, što jana aktrysa i režysiorka, zdymałasia ŭ šerahu filmaŭ u epizodach, hraje ŭ teatry. Z 2020 hoda stała aktyŭna vieści strymy na jutubie, raniej palitykaj nie cikaviłasia. Ciapier Chortan krytykuje Cichanoŭskuju, supracoŭničaje z Volhaj Karač.

Luboŭ Šabaršyna — były čalec pieradvybarnaha štaba Babaryki. 

Luboŭ Šabaršyna

Vyhladaje, što ciapier Šybaršyna supracoŭničaje z Karač: jana fihuruje ŭ ŚMI jak «namieśnik kiraŭnika Mižnarodnaha centra hramadzianskich inicyjatyŭ «Naš dom. Polšča». 

Vital Dziadziuk — strajkamaviec z «Biełaruśkalija».

Vital Dziadziuk

U Biełarusi jaho niekalki razoŭ zatrymlivali, jon skardziŭsia na cisk z boku siłavikoŭ i ŭ vyniku byŭ vymušany pakinuć krainu. Nieŭzabavie paśla adjezdu ŭ Biełarusi na jaho zaviali spravu nibyta za machlarstva sa strachoŭkami.

Kamientary60

  • Tutejšy
    05.08.2022
    Vłasti RB i ich propahandisty zamierli v radostnom priedvkušienii: "Siejčas načnietsia hryźnia mieždu biełorusami. Osobienno v zarubiežje".
    Ja priedłahaju razočarovať ich ožidanija.
  • maple
    05.08.2022
    Skłočniki s vysokim ČSV. Po suti, takije novosti dažie nie stojat publikacii. 
  • Lolik Fr
    05.08.2022
    Franckievič - miełkij žulik, striemiaŝijsia stať krupnym. V 2006 był otkomandirovan v Čiechiju, izobražaja iz siebia "žiertvu riežima". Na samom diele - privlekałsia po uhołovnoj staťje. Siejčas biehajet po diasporam, sobirajet na domiki dla biednych porosiat.

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom11

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Usie naviny →
Usie naviny

Pierasadžvacca ŭ inšy aŭtobus u čarzie na miažy bolš nielha? Zdajecca, tak3

Łukašenka prapanavaŭ adsiakać ruki tym, chto kradzie ŭ sielskaj haspadarcy6

Akademija navuk raspracavała instrukcyju pa źniščeńni «ekstremisckich» knih u biblijatekach11

«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA2

Hramadzianina Hiermanii prysudzili ŭ Biełarusi da rasstrełu15

Źnikłaha ŭ Polščy biełarusa znajšli ŭ Varšavie źbitym i biez dakumientaŭ10

«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu3

U Biełarusi pačałasia pieradvybarčaja ahitacyja za Łukašenku FOTAFAKT32

Suśvietnyja ceny na kavu bjuć rekordy. Košt vašaha łate pad pahrozaj5

bolš čytanych navin
bolš łajkanych navin

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom11

Udzielnik apazicyjnaha ruchu Vital Łuchvič vyjaviŭsia płatnym milicejskim stukačom

Hałoŭnaje
Usie naviny →