Hramadstva44

«Intelektualny dakumient». U Minsku dzieciam buduć vydavać elektronnyja «karty vučnia»

Dla čaho patrebnaja novaja kartka i čaho bieź jaje nie zrobiš? 

Novaŭviadzieńnie majuć ukaraniać paetapna, pačnuć ź niekalkich himnazij. 

Na sajcie 17-j himnazii źjaviłasia infarmacyja dla baćkoŭ. Tam havorycca, što ŭ 2022/2023 navučalnym hodzie školnikam vydaduć «vučnioŭski bilet». 

Z novym, jak jaho nazyvajuć, «intelektualnym dakumientam» školnik budzie:

— traplać u škołu — vučnioŭski bilet budzie zamianiać propusk.

— Akramia taho, bilet budzie vykarystoŭvacca jak prajazny ŭ hramadskim transparcie (jon budzie pryraŭniany da papiarovaj daviedki) i jak čytacki bilet u školnaj biblijatecy.

Na hetuju kartku taksama možna budzie kłaści hrošy i apłačvać pradukty ŭ školnaj stałovaj u ramkach prahramy «Razumny bufiet». Kartki buduć spałučanyja z kartkami płaciežnaj sistemy «Biełkart» Biełarusbanka i buduć vypuskacca ŭ pryviazcy da bankaŭskaj kartki adnaho z baćkoŭ.

Taksama «Vučnioŭski bilet» budzie ŭtrymlivać niekatoruju infarmacyju pra školnika — proźvišča, imia i imia pa baćku, datu naradžeńnia, infarmacyju pra miesca vučoby.

Na bilecie budzie vialikaja fatahrafija jaho ŭładalnika dla «zabieśpiačeńnia prostaści vizualnaha kantrolu» i asabisty QR-kod.

«Vučnioŭski bilet» minskich školnikaŭ budzie mieć adziny dyzajn. Miarkujučy pa vyjavie na sajcie Biełarusbanka, jon budzie pa zmaŭčańni na ruskaj movie.

Dla čaho patrebny taki bilet, nie vidavočna. U transparcie apłaty prajezdu ad školnikaŭ i tak nie patrabujuć. A na ŭvachodach u škoły i biez taho stajać achoŭniki i dziažurnyja, kab tudy nie zachodzili čužyja ludzi.

«Ja nie razumieju, našto patrebnyja hetyja kartki, — skazała «Našaj Nivie» maci adnaho z himnazistaŭ. — Prablema škoły numar adzin — u nizkaj matyvacyi nastaŭnikaŭ, u jakich mizernyja zarobki. Prablema numar dva — zadušlivaja maralnaja atmaśfiera, iłžyvaja ideałohija, tatalitarny BRSM, padmanščycy z vybarčych kamisij. Prablema numar try — prahramy pa humanitarnych pradmietach, jakija nie raźvivajuć navykaŭ krytyčnaha myśleńnia i kreatyvu. Jakuju z hetych prablem vyrašajuć novyja kartki?

I pabačycie, za ich vydaču z nas jašče i hrošy buduć brać».

U Biełarusbanku isnuje mahčymaść aformić «kartu vučnia» (sajt prajekta — tolki na ruskaj movie, biełaruskamoŭnaj viersii niama), kali baćki chočuć, kab ich dzicia apłačvała svaje traty kartkaj, a nie najaŭnymi hrašyma. Z uviadzieńniem «vučnioŭskaha bileta» najaŭnaść takoj karty faktyčna stanie abaviazkovaj.

Kamientary4

  • mgby
    31.07.2022
    Dyk hetyja kariki isnujuć užo niekalki hadoŭ. Hady 4, mabyć bolej. Ničoha novaha ž niama, nie?
  • 1
    31.07.2022
    Ničoha drennaha ŭ isnavańni takich kartak nie baču, ale dyzajn i adsutnaść biełaruskaj movy... U lepšych tradycyjach ahrakałhasa.
  • -
    01.08.2022
    nu tak - užo byli. potym termin dziejańnia ich skončyŭsia, a ciapier heta znoŭ vydajecca za novuju manietu? prykoł)

Niemiec, prysudžany da rasstrełu, datyčny da dyviersij? Voś što za historyja heta mahła być3

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych17

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi5

Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale

Zasnavalnik Jandeksa daŭ pieršaje intervju paśla ŭciokaŭ z Rasii. Pryznaŭ svaje pamyłki10

U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču4

Pra što maŭčaŭ Piotra Sierhijevič2

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być3

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →