Bolš za sotniu siemjaŭ rasijskich vajskoŭcaŭ, jakija źnikli va Ukrainie, patrabujuć ad Pucina znajści ich blizkich
List da prezidenta Rasii Uładzimira Pucina padpisali 106 čałaviek, paviedamlaje sajt «Sievier.Riealii».
«Patrabujem znajści našych blizkich, unieści ŭ śpisy vajennapałonnych, jakija źnikli bieź viestak. Praca pa pošuku nie viadziecca, bo jany znachodziacca ŭ statusie źnikłych bieź viestak. Ministerstva abarony RF bolš za piać miesiacaŭ błakuje źmianieńnie statusu vajskoŭcaŭ niezaležna ad źviestak, jakija pastajanna źmianiajucca. Svajakam davodzicca šukać fakty i dakazvać samim, što ich syn, muž u pałonie (zahinuŭ) — tak pa ŭsioj krainie. Upaŭnavažanyja orhany drenna viaduć pracu, dapamohi ad kamandziraŭ vajskovych čaściej niama», — havorycca ŭ liście, jaki baćki i žonki rasijskich vajskoŭcaŭ asabista pieradali ŭ pryjomnuju administracyi prezidenta 26 lipienia.
Pad zvarotam padpisalisia 106 čałaviek. Ličyŭsia adzin podpis ad siamji adnaho rasijskaha vajskoŭca, jaki albo źnik bieź viestak, albo zahinuŭ, albo prosta znachodzicca na terytoryi Ukrainy, dzie z 24 lutaha Rasija viadzie bajavyja dziejańni.
Taksama svajaki rasijskich vajskoŭcaŭ patrabujuć stvaryć u kožnym rehijonie Rasii punkt, dzie budzie nadavacca dapamoha z pošukam žyvych, pałonnych, paranienych i zahinułych vajskoŭcaŭ, jakija znachodziacca na vajnie va Ukrainie.
Aŭtary zvarotu taksama zapatrabavali sustrečy ź ministram abarony Rasii Siarhiejem Šajhu, a taksama prosiać Pucina pryznačyć svajho pradstaŭnika, jaki davaŭ by spravazdaču svajakam źnikłych bieź viestak vajskoŭcaŭ.
Dzianis Mieljancoŭ i jaho reałpalityk: jon sapraŭdy pamianiaŭ pohlady ci prosta raniej maskiravaŭsia?47
Kamientary