Usiaho patrochu2929

Adkaz šortam premjerki Finlandyi — sabrali niefarmalnyja łuki biełaruskich čynoŭnikaŭ

Premjer-ministr Finlandyi Sana Maryn skaryła internet-karystalnikaŭ svaimi šortami i kasuchaj, u jakich naviedała rok-fiestyval Ruisrock. Biełaruskich čynoŭnikaŭ pry Łukašenku sustreć na rok-kancertach nierealna, ale my vyrašyli pahladzieć, jakim rečam jany addajuć pieravahu, kali havorka idzie pra niefarmalnyja vychady ŭ śviet i možna vyleźci z kaściumaŭ-kokanaŭ.

Premjer-ministra Ramana Hałoŭčanku składana pabačyć na šyrokaj publicy biez strohich kaściumaŭ z halštukami. Takoje moža zdarycca tolki na respublikanskim subotniku, naprykład, ci kali hety samy kaścium schavany pad vierchnim adzieńniem.

Na subotniku i padčas rabočaj pajezdki ŭ Babrujsk. Fota: BiełTA. 

Staršynia Savieta Respubliki Natalla Kačanava taksama zaŭsiody ŭ pratakolnym — navat kali havorka idzie pra naviedvańnie kancertaŭ na małoj radzimie ŭ Połacku. Svabodny styl na publicy milhaje na tych ža subotnikach ci łyžnych spabornictvach.

Fota: BiełTA, vitvesti.by

Nie tak daŭno ministr zamiežnych spraŭ Uładzimir Makiej pachvaliŭsia, što pačaŭ razvodzić kurej. Dla viadzieńnia sielskaj haspadarki, jak možna zrabić vysnovy ź jaho sacsietak, jon zvyčajna vybiraje patryjatyčnaje spartyŭnaje adzieńnie.

 

Ale na pryrodzie, na špacyrach ź siamjoj ci navat na razdačy burhieraŭ ad Cimaci ministra možna zaŭvažyć i ŭ bolš nieprykmietnaj koleravaj hamie.

Fota: fejsbuk Uładzimira Makieja

Pa-za aficyjozam i ŭ pieryjad adpačynku ad chakiejnaj formy Alaksandr Łukašenka prajaŭlaje vialikaje zachapleńnie hałaŭnymi ŭborami. U jaho harderobie, vidać, isnuje asobnaja palica dla kiepak, šapak i asobna — dla admysłovych uboraŭ pad sielskahaspadarčyja pracy.

Fota: Puł Pieršaha

Pravaja ruka Łukašenki, pres-sakratarka Natalla Ejsmant dla pryborki kavunoŭ, bulby, pajezdak na rovary i aŭtaprabiehaŭ «Za baćku» časta vybiraje brend Nike.

Spartyŭnaje brendavaje adzieńnie jana, mierkavana, vybirała i dla ciomnych spraŭ pad prykryćciom nočy: tak, ličycca, što mienavita Ejsmant była adnoj z toj bryhady, jakaja jeździła pa minskich dvarach i zrazała bieł-čyrvona-biełyja stužki. Paśla adnoj z takich «vyłazak» u chodzie kanfliktu byŭ zabity Raman Bandarenka.

Sprava — mierkavana Natalla Ejsmant u spartyŭnaj ekipiroŭcy ad narviežskaha brenda Swix u ŽK «Miehapolis». Skrynšot: videa kyky.org

Redkaje fota ministra achovy zdaroŭja Dźmitryja Pinieviča ŭ ŚMI biez kaściuma — na respublikanskim subotniku. Kurtka Adidas, kiepka «Biełaruś», džynsy i čornyja tufli.

Fota: pres-słužba Minzdaroŭja

Ministr infarmacyi Uładzimir Piarcoŭ źmianiŭ kaścium na džynsy i kiedy dla pracy na Barysaŭščynie ŭ dzień respublikanskaha subotnika.

Fota: hazieta «Adzinstva»

Z subotnikami zrazumieła, a ŭ čym biełaruskija čynoŭniki źjaŭlajucca na kancertach? Tut, na žal, ničoha novaha: kaściumy. Čas ad času tolki kašuli mohuć być zamienienyja na cišotki.

Łukašenki i atačeńnie na śviacie «Kupalle. Aleksandryja źbiraje siabroŭ». Fota: president.gov.by

Niahledziačy na toje, što Volha Čamadanava užo nie pres-sakratarka MUS, jana dahetul ščylna asacyjujecca z formaj, choć i źmianiła jaje na kaściumy ideołaha Minharvykankama.

U niefarmalnaj abstanoŭcy Volha addaje pieravahu kamuflažnym kaściumam, što moža śviedčyć pra toje, što ŭ jaje kryvi dahetul hraje prafiesijnaje minułaje.

Fota: BiełTA

Pramanitoryŭšy zdymki niekatorych staršyń rajvykankamaŭ, my zaŭvažyli, što jany ŭ niefarmalnaj abstanoŭcy addajuć pieravahu stylu casual. Praŭda, cišotki — niaredka z krasamoŭnym pryntom. Naprykład, staršyni Słuckaha rajona Uładzimiru Hohu važna, vidać, nahadvać, što jon narodžany ŭ SSSR.

Fota: «Kurjer-Info»

Chacia samy raspaŭsiudžany prynt u maksimalna blizkaha atačeńnia Łukašenki — ź jaho cytatami: treba ž razhružać składy ź mierčam ad «Puła pieršaha».

Siamiejny dres-kod deputatki, eks-ministra infarmacyi Lilii Ananič. Fota: fejsbuk čynoŭnicy

A voś siońniašni staršynia Škłoŭskaha rajvykankama Andrej Kamko — za cišotki. Dla lubimych ža chobi — palavańnia i rybałki — jon maje asobny kaścium.

Fota: staronka Andreja Kamko ŭ «Adnakłaśnikach»

Čytajcie taksama:

Jak za dva hady źmianilisia pradstaŭniki apazicyi i režymu? FOTY

Historyja biełarusaŭ, jakija ŭ dzievianostyja zastalisia bieź biznesu i emihravali ŭ ZŠA. «Žyli ŭ adnoj kvatery z Paźniakom»

Tur pa Rasii i ŭznaharody ad milicyi. Što adbyvajecca ŭ žyćci praŭładnych biełaruskich zorak?

Kamientary29

  • Maksim Dizajnier
    16.07.2022
    Činovniki vyhladiat horazdo priličnieje.
  • daviedka
    16.07.2022
    Prošłoje biełorusskich činovnikov dajot o siebie znať: dažie v nieformalnoj obstanovkie oni nosiat vojennuju formu.
  • daviedka
    16.07.2022
    Šorty prieḿjera Finlandii mierknut na fonie plažnych trusov Łukašienko v ćvietach  hosudarstviennoho fłaha.

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Usie naviny →
Usie naviny

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

Žurnalista Ihara Iljaša abvinavačvajuć pa dvuch kryminalnych artykułach1

U Biełarusi ŭsio ž taki zabaroniać Chahi Vahi. Ministr adukacyi ličyć, što hetaja cacka pravakuje hvałt11

Tramp płanuje sustrecca ź Zialenskim na nastupnym tydni12

U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie32

Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema23

bolš čytanych navin
bolš łajkanych navin

Hod Syrskaha. Jak vajuje ŭkrainskaja armija z hetym hałoŭnakamandujučym2

Hod Syrskaha. Jak vajuje ŭkrainskaja armija z hetym hałoŭnakamandujučym

Hałoŭnaje
Usie naviny →

Zaŭvaha:

 

 

 

 

Zakryć Paviedamić