Polski premjer: Treba zrabić tak, kab Vienhryja nie vyjhrała ad impartu rasijskaj nafty
Premjer-ministr Polščy Matevuš Maraviecki pierad pačatkam pazačarhovaha samitu ES u paniadziełak prapanavaŭ uvieści ŭ Jeŭrasajuzie niejki miechanizm vyraŭnoŭvańnia cenaŭ, kab Vienhryja, jakaja supraciŭlajecca ŭviadzieńniu embarha na rasijskuju naftu, nie vyjhrała ad taho, što praciahnie jaje impartavać.
«My razumiejem, što niekatoryja krainy nie majuć vychadu da mora i tamu vymušanyja impartavać naftu tolki pa naftapravodach. Dla ich u nas jość śpiecyjalnyja rašeńni.
Ale kali hetyja krainy — u tym liku Vienhryja, viadoma — nie pahodziacca z hetymi rašeńniami, to Polšča zapatrabuje ŭviadzieńnia śpiecyjalnaha instrumienta vyraŭnoŭvańnia ceny, kab kraina, jakaja budzie daŭžej za inšych impartavać rasijskuju naftu, nie mieła mahčymaści vykarystoŭvać heta jak pieravahu ŭ kankurencyi ź inšymi krainami», — zajaviŭ Maraviecki.
Pry hetym Maraviecki adznačyŭ, što ŭsio jašče vieryć, što na hetym samicie lidary ES zmohuć damovicca pra naftavaje embarha.
«Nieabchodna, kab Pucin bačyŭ, što my nie tolki adzinyja, ale i ćviorda nastrojenyja na toje, kab hetaja vajna skončyłasia jak maha chutčej, i kab Ukraina zachavałasia jak svabodnaja, suvierennaja i niezaležnaja kraina», — skazaŭ polski premjer.
Čytajcie taksama:
Orban hatovy padtrymać šosty pakiet sankcyj suprać Rasii, kali Vienhryju zabiaśpiečać syravinaj
Krainy Jeŭrasajuza nie zdoleli damovicca adnosna embarha na rasijskuju naftu. A samit ES adbudziecca ŭžo zaŭtra
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»24
Kamientary