Niekalki firmaŭ, jakija arhanizujuć aŭtobusnyja pajezdki, pačali prapanoŭvać tury ŭ Maskvu z metaj atrymać tam šenhienskuju vizu ad Ispanii. U Minsku vizavy centr Ispanii adkryŭsia 3 sakavika i začyniŭsia 18 krasavika, ale heta nie aznačaje, što biełarusy nie mohuć atrymać ispanskuju šenhien-vizu, pišuć na sajcie Respublikanskaha sajuza turystyčnych arhanizacyj.
Ispanski vizavy centr u Maskvie prymaje dakumienty ad biełarusaŭ. Kala miesiaca biełarusy ŭ indyvidualnym paradku ŭžo karystajucca hetaj mahčymaściu, kab adkryć turystyčnyja šenhien-vizy typu S.
U Maskvu ŭ ispanski vizavy centr biełarusy pačali jeździć, jak tolki začyniŭsia vizavy centr Ispanii ŭ Minsku. Aryjentujučysia na popyt, turfirmy pačali prapanoŭvać arhanizavanyja pajezdki pa hetym napramku.
Zapisacca ŭ vizavy centr u rasijskaj stalicy, jak vyśviatlajecca, dastatkova prosta — u adroźnieńnie ad vizavych centraŭ Vienhryi i Italii ŭ Minsku, dzie vialikija čerhi. Pakolki nieabchodnaja asabistaja padača, dakumientaŭ, naviedvać Maskvu treba dvojčy — kab padać dakumienty i zabrać pašpart ź vizaj.
Ispancy vydajuć biełarusam, jak praviła, šmatrazovyja paŭhadavyja, hadavyja i navat na bolšy termin vizy. Praŭda, byvaje, što suiskalnik atrymlivaje vizu roŭna na termin mierkavanaj pajezdki.
Volnych dataŭ dla padačy ŭ vizavym centry Ispanii ŭ Maskvie dosyć šmat — da prykładu, učora jašče byli svabodnyja daty na 30 i 31 maja. U dzień — niamała volnych voknaŭ, dziakujučy čamu možna pryjechać u składzie hrupy i ŭsim padacca ŭ adzin dzień. Viza robicca dosyć chutka — 5 pracoŭnych dzion.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary