Rasijskaja kampanija «Hazpram ekspart» prypynić pastaŭki hazu finskaj kampanii Gasum z 21 maja z-za admovy apošniaj płacić u rublach. 20 maja «Hazpram ekspart» nie atrymała płaciož za krasavickija pastaŭki hazu i pryniała rašeńnie ab prypynieńni pastavak da apłaty hazu ŭ rublach, paviedamlaje pres-słužba «Hazprama». Ale finy nie prapaduć, jany zahadzia padrychtavali alternatyŭnyja varyjanty.
Pra admovu pracavać z rublami finy paviedamili zahadzia. 17 maja Gasum prainfarmavaŭ rasijski bok, što jon inicyjuje arbitražny razhlad u dačynieńni da kantraktu na pastaŭku hazu z TAA «Hazpram ekspart», i zajaviła, što nie maje namieru apłačvać haz u rublach.
Gasum paćvierdziła, što atrymała ad rasijskaha boku apaviaščeńnie ab prypynieńni pastavak.
Kampanija maje namier pastaŭlać haz svaim klijentam ź inšych krynic praz trubapravod Balticconnector, jaki złučaje finskija i estonskija hazavyja sietki. Jon prachodzić ad estonskaha partovaha horada Pałdziski da municypaliteta Inkoa na paŭdniovym uźbiarežžy Finlandyi i daje krainie dostup da łatvijskich schoviščaŭ pryrodnaha hazu.
«Vielmi prykra, što pastaŭki pryrodnaha hazu pavodle našaha kantraktu buduć prypynienyja. Ale my staranna rychtavalisia da hetaha scenaryja, i kali z hazatranspartnaj sistemaj nie budzie prablem, my budziem zdolnyja zabiaśpiečvać hazam usich našych klijentaŭ u nastupnyja miesiacy», — zajaviŭ kiraŭnik kampanii Mika Viljanien.
Dzianis Mieljancoŭ i jaho reałpalityk: jon sapraŭdy pamianiaŭ pohlady ci prosta raniej maskiravaŭsia?47
Kamientary