Nie vykidajcie kostku ad avakada — voś 6 varyjantaŭ taho, jak jaje vykarystać u ježu ci dla kaśmietyki

Avakada — krynica vitaminaŭ Je, S i K, vitaminaŭ hrupy V, jano bahataje na klatčatku, kalcyj, fosfar i kalij.

U kostcy avakada taksama chapaje karysnych rečyvaŭ: tam šmat vitaminaŭ A i Je, klatčatki, i navat bolš karysnych antyaksidantaŭ, čym u miakaci avakada.

Voś čamu kostki taksama varta vykarystoŭvać.

Dadavajcie jaje da roznych straŭ

Možna lohka raznastaić svoj racyjon, kali zdrabnić kostku avakada ŭ kavamołcy ci na drobnaj tarcy. Ale ž pierad hetym pakińcie kostku na 2—3 dni na soncy, kab jana padsochła i jaje było lahčej apracavać, i nie zabudźciesia źniać z kostki karyčnievuju abałonku.

Zdrabnionuju kostku dadavajcie pa drobcy (bo jana harčyć) u kašy, inšyja haračyja stravy ci harodninnyja kaktejli. Takim čynam vy atrymajecie dadatkovuju dozu karysnych rečyvaŭ.

Zrabicie ź jaje čaj

Z sušanych kostak avakada možna zavarvać čaj. Padsušycie ich na soncy i abłupicie z kostki karyčnievuju abałonku. Potym parežcie jaje na kavałki ci patrycie na tarcy. Zalicie kipniem — praz 5 chvilin harbata budzie hatovaja.

Pavialičyć

Kostka budzie nadavać harbacie trochi harkavy prysmak, tamu možna padsaładzić jaje miodam. Ciortyja kostački avakada dla harbaty možna zachoŭvać u vialikaj kolkaści ŭ ščylna zakrytym słoiku ci blašancy.

Vykarystoŭvajcie kostki avakada dla chatniaha pilinhu

Skrab z avakada vielmi prosty ŭ pryhatavańni, dy jašče i całkam naturalny. Pačynajem jak zvyčajna: dastańcie z avakada kostku, padsušycie jaje na soncy i zdymicie kostki karyčnievuju abałonku. Dalej zdrabnicie kostku ŭ kavamołcy i dadajcie ŭ lubimy kaśmietyčny alej, masku abo krem. U vas vyjdzie skrab, jaki treba kruhavymi ruchami ŭcierci ŭ skuru, a potym zmyć ciopłaj vadoj.

Pilinh dapamahaje vydalać admierłyja kletki skury i palapšaje zasvajeńnie karysnych rečyvaŭ. Kali rabić hetuju praceduru rehularna, skura budzie lepš adnaŭlacca, stanie hładkaj i dalikatnaj.

Vyrabicie z kostak avakada rastvor dla pałaskańnia vałasoŭ

Praporcyi nastupnyja: adna kostka na 500 mililitraŭ vady. Varycie kostku ŭ vadzie na praciahu hadziny ŭ zakrytaj kastruli, potym astudzicie vadkaść. Pamyjcie hałavu zvyčajnym šampuniem, zmyjcie jaho čystaj vadoj, a potym pramyjcie vałasy vadkaściu z avakada. Kali ŭ vas doŭhija vałasy, možna navat na niekalki rabić chvilin vannački dla ich z hetaj vadkaściu.

Pavialičyć

Vyraścicie ŭłasnaje avakada

Dla hetaha vam spatrebicca kostka ad avakada, try zubačystki i słoik z vadoj. Ustaŭcie zubačystki pierpiendykularna ŭ kostku pasiaredzinie jaje vyšyni, inšyja kancy zubačystak pavinny znachodzicca ŭviersie słoika. Pałova kostki pavinna być pad vadoj, a zubačystki musiać dapamahčy trymać inšuju pałovu kostki nad vodnaj pavierchniaj. Mianiajcie vadu raz na dzień. Praz 6—8 tydniaŭ maładaja raślina puścić liście — paśla hetaha pieraniasicie jaje ŭ harščok z padrychtavanaj hlebaj dla avakada.

Pafarbujcie z dapamohaj kostki svajo adzieńnie

Zakipiacicie ŭ stalnoj kastruli vadu i pakładzicie tudy niekalki kostak, možacie nie zdymać ź ich abałonki. Varycie kostki na praciahu 20—60 chvilin, pakul vada nie nabudzie čyrvona-ružovy koler. Zamačycie ŭ vadzie biełaje adzieńnie, jakoje chočacie pafarbavać, i pastajanna pieramiešvajcie vadu, kab adzieńnie raŭnamierna afarbavałasia. Vynik budzie zaležać ad typu tkaniny, kolkaści ŭžytych kostak i ad taho, jak doŭha vy budziecie zamočvać adzieńnie — u siarednim na heta spatrebicca nie mienš za hadzinu. 

Čytajcie taksama:

Pakładzicie krejdu ŭ chaładzilnik i pabačycie, što zdarycca. Vy nie paškadujecie

Zaŭvažyli na tvary dziŭnyja źmieny? Heta moža być prajava raku lohkich

• 30
• 0
• 6
• 0
• 2
• 2
• 1
• 0