Ułady nie płanujuć admianiać abmiežavańni na vyjezd ź Biełarusi
U pres-słužbie ŭrada Office Life paviedamili, što Saviet ministraŭ pakul nie płanuje skasoŭvać abmiežavańni na vyjezd ź Biełarusi naziemnym transpartam.
![](http://d3kcf2pe5t7rrb.cloudfront.net/img/w840d4webp1/photos/z_2022_01/3-detpg-x3a8u.jpg.webp)
Taksama dniami źjaviŭsia adkaz na pietycyju biełarusaŭ da Minzdaroŭja z prośbaj źniać zabaronu na svabodny vyjezd ź Biełarusi naziemnym transpartam.
U adkazie Minzdaroŭja tłumačyć nieabchodnaść abmiežavańniaŭ na vyjezd za miažu dla biełarusaŭ tym, što heta «dazvolić minimizavać ryzyku zavozu SARS-CoV-2 pa viartańni ŭ Respubliku Biełaruś».
Abmiežavańni na vyjezd ź Biełarusi naziemnym transpartam byli ŭviedzienyja 19 śniežnia 2020 hoda. Tady dla vyjezdu z krainy byli patrebnyja važnyja pryčyny: kamandziroŭka, vučoba, lačeńnie i h.d.
Praviły vyjezdu ź Biełarusi mianialisia ŭ žniŭni 2021 hoda. Tady było ŭviedzienaje prava vyjazdžać z krainy naziemnym transpartam adzin raz u try miesiacy zamiest razu ŭ paŭhoda. Pryčym dla vyjezdu ŭsio jašče patrebnyja padstavy: vučoba/praca za miažoj albo dakumient, jaki paćviardžaje prava na pastajannaje abo časovaje pražyvańnie za miažoj, vyjezd na lačeńnie/azdaraŭleńnie i inš.
Učora Suśvietnaja arhanizacyja achovy zdaroŭja rekamiendavała źniać abmiežavańni na mižnarodnyja pajezdki abo asłabić ich.
Kamientary