Na kanale ANT vyjšaŭ 15-chvilinny siužet «Tajamnicy rejsa Afiny — Vilnia». Ci raskryvajucca tam jakija tajamnicy?
Vychad 15-chvilinnaha rasśledavańnia «Tajamnicy rejsa Afiny — Vilnia. Novyja padrabiaznaści skandału z bortam Ryanair» — sproba dać adkaz na miesiačnaj daŭniny publikacyi ŭ amierykanskaj i polskaj presie, jakija padrychtavali, jak śćviardžajecca ŭ siužecie, «supracoŭniki polskich śpiecsłužbaŭ» i pry padrychtoŭcy jakich byli vykarystanyja śviedčańni dyśpietčara Aleha Halehava, jakomu ŭdałosia vyjechać ź Biełarusi.
Niejkich novych faktaŭ i dakumientaŭ, jakija pakazvali b situacyju z pryncypova inšaha boku, stvaralniki «rasśledavańnia» nie pradstavili. U asnoŭnym staŭka zroblena na vusnyja śviedčańni roznych ludziej, jakim treba vieryć na słova.
Jak minimum pałovu siužeta ŭ kadry znachodzicca dyrektar departamienta pa avijacyi Ministerstva transpartu i kamunikacyj Arciom Sikorski, jaki raskazvaje pra toje, što piłot samalota Ryanair, maŭlaŭ, navat nie źbiraŭsia siadać u Vilni, a adrazu nacelvaŭsia na Minsk. Što pra najaŭnaść na borcie Pratasieviča z Sapiehaj biełaruskija śpiecsłužby nie mahli viedać, bo adkul. «Čamu palacieŭ samalot u Minsk, treba spytać samoha piłota i dyśpietčarskuju słužbu Vilni», a zapisaŭ pieramovaŭ pamiž piłotam, dyśpietčarskaj i avijakampanijaj nichto, maŭlaŭ, pakul nie pradstaviŭ. Dy i sam piłot nieviadoma kudy dzieŭsia, i spravazdačy Mižnarodnaj arhanizacyi pa hramadzianskaj avijacyi ŭsio niama.
Stvaralniki rasśledavańnia chočuć davieści, što materyjały pieramovaŭ pamiž piłotam samalota Ryanair i biełaruskimi dyśpietčarami — mantaž. Ale nijakich asablivych dokazaŭ hetamu nie pryvodziać. Ličać, vidać, što dla asnoŭnaj aŭdytoryi rolika budzie dastatkova taho, što heta ŭ kadry paćviardžaje namieśnik načalnika Upraŭleńnia Śledčaha kamiteta pa Minsku Andrej Matolka.
Praŭda, asprečvajučy toje, što dyśpietčar Halehaŭ padčas pasadki samalota ŭ Minsku ŭzhadniaŭ svaje dziejańni z supracoŭnikam KDB, hołas jakoha čuvać na aŭdyjazapisie, stvaralniki siužeta tolki słovami nie abmiežavalisia, a nazvali i navat pakazali taho, kamu nibyta naležyć toj hołas.
Heta byŭ, jak śćviardžajecca, načalnik Halehava, kiraŭnik palotaŭ na jahonaj źmienie, zavuć jakoha Jaŭhien Cyhanoŭ. Cyhanoŭ sam vystupaje ŭ siužecie i ŭsio paćviardžaje. Na pytańnie, ci nie aficer jon KDB, adkaz admoŭny — maŭlaŭ, i adukacyja ŭ jaho śpiecyjalnaja avijacyjnaja, i pracuje z 2000 hoda ŭ «Biełaeranavihacyi».
Dalej asprečvajecca toje, što Halehaŭ pierabraŭsia ŭ Polšču niepasredna ź Biełarusi «razam ź mihrantami»: takaja farmuloŭka časta sustrakałasia ŭ paviedamleńniach roznych ŚMI. Aŭtary «rasśledavańnia» dastatkova doŭha dakazvajuć, što jon pajechaŭ u adpačynak razam ź siamjoj na radzimu ŭ Hruziju, pakazvajecca jahonaja zajava na adpačynak i kadry z aeraporta, dzie čałaviek, padobny na Halehava, prachodzić kantrol, źbirajučysia niekudy lacieć. Śćviardžajecca, što ŭ Tbilisi. Nu, a «prylacieŭšy tudy, staŭ vielmi ŭraźlivym u tym liku i dla polskaj raźviedki».
Ale jak mienavita vyjechaŭ Halehaŭ ź Biełarusi — siužet dastatkova druhasny, i navat kali aŭtary rasśledavańnia majuć tut racyju, to pryncypova heta ničoha nie mianiaje.
Polskija śpiecsłužby: Samalot z Pratasievičam dapamahaŭ sadžać aficer KDB. A što kazali biełarusy?
Polskija śpiecsłužby pradstavili svaju viersiju incydentu z samalotam Ryanair
New York Times: Avijadyśpietčar źbieh ź Biełarusi ŭ Polšču i raskazaŭ pra pasadku Ryanair
Krynicy: dyśpietčar, jaki sadziŭ samalot z Pratasievičam, źjechaŭ razam ź siamjoj
Hubarevič adpraviŭ u CVK dakumienty dla ŭdziełu ŭ vybarach14
Kamientary