Jak redaktar «Našaj Nivy», ja vymušany karystacca VPN-am uvieś čas. U našych umovach heta prafiesijnaja patreba. Ja pryjšoŭ da vysnovy, što na kampjutary, noŭtbuku sama zručna — prosta pastavić sabie braŭzier Opera.
U im jość vyklučna zručnaja funkcyja. Vybiraješ «pryvatnaje akno» (jaho na inšych braŭzierach jašče nazyvajuć «režym inkohnita»:
A ŭ im źleva ad akienca, dzie nabirajem adras sajta jość taki pieraklučalnik-paŭzunok «Uklučyć VPN»
I «vyklučyć VPN»:
Ja, kali pracuju, prosta trymaju Opieru z VPN — uklučanym.
Takim čynam ja biez zatrat času prahladaju staronki, dastupnyja ŭ Biełarusi tolki praz VPN. Ja pracuju ŭ Safary sa zvyčajnymi staronkami, a, jak tolki treba zaleźci praz VPN, pierachodžu ŭ Opieru.
Heta dobra i tym, što nie treba spampoŭvać nijaki VPN sabie na kampjutar.
U Opiery možna ŭklučać VPN i ŭ zvyčajnym aknie, nie ŭ pryvatnym, ale ŭ pryvatnym plus jašče ŭ tym, što tam taksama aŭtamatyčna vyčyščajecca historyja naviedvańniaŭ, nie treba hetaha rabić uručnuju.
Chutkaść pry padklučeńni praz VPN Opiery całkam dobraja, videa narmalna hladzieć. VPN Opiery padklučajecca stabilna praz proksi ŭ Šviecyi. Ale možna vybirać sabie i proksi luboj inšaj krainy.
«Opiera» — braŭzier, raspracavany narviehami, jon jakasna pracuje, nie horš za Chrom, Fajerfoks i Safary.
Kab pastavić jaho sabie na kampjutary ci noŭtbuku, prosta zachodzim na sajt Opera.com i naciskajem «Zahruzić Opieru».
U niekatorych viersijach braŭziera Google Chrome taksama prysutničaje biaspłatny VPN.
Dla jaho aktyvacyi nieabchodna nacisnuć na značok «rasširienija» u pravym vierchnim kucie, vybrać VPN.
Adno naciskańnie — i VPN aktyŭny.
U mabilnaj viersii Opiery na Androidzie VPN uklučajecca ŭ naładach.
Pracuje VPN i ŭ mabilnaj viersii Opiery na iOS, vy znojdziecie funkcyju ŭ naładach.
Kali ž ustaloŭvać VPN na mabilniku, mahu parekamiendavać ProtonVPN. Ën stvorany toj ža kamandaj, jakaja robić vielmi nadziejny Protonmail
— aktyvistami, jakija bazujucca ŭ Šviejcaryi, i z raźlikam, kab im karystalisia ludzi ŭ dyktatarskich krainach. U ProtonVPN jość biaspłatnaja i płatnaja viersii. Biaspłatnaja — narmalnaja, płatnaja zabiaśpiečvaje bolšuju chutkaść, ale dla zvyčajnych patreb čytańnia navin i prahladu Jutuba biaspłatnaj całkam dastatkova.
VPN — dobraja štuka, navat kitajcy ničoha nie mohuć ź im zrabić. Uvieś Kitaj siadzić u internecie praz VPNy.
Čytajcie taksama: Internet z dapamohaj VPN — ci nasamreč heta biaśpiečna?
Voś tut my možna pračytać pra VPN bolš.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič10
Kamientary