Biełaruski brend kaśmietyki vykłaŭ videa z nafarbavanym chłopcam-vizažystam — i tut pačałosia
Brend kaśmietyki LuxVisage Cosmetics na hetym tydni vykłaŭ u svaim instahramie videa z paradami pa makijažu z vykarystańniem pudry. U roli majstra ŭ roliku vystupiŭ chłopiec-vizažyst. Praz paru dzion rolik źnik z sacsietki.
Jak raspaviali pradstaŭniki brenda, heta źviazana z «chiejtam» u kamientarach da publikacyi. Rolik nabraŭ tysiačy reakcyj za ličanyja hadziny. Mnohija ź ich byli kštałtu: «nie treba takich rekłamnych rolikaŭ», «prapahanda hiej-kultury?», «ahidna».
Ale byli i stanoŭčyja kamientary i reposty ŭ padtrymku brenda: ludzi zaklikali zhadać, što na dvary nie kamienny viek i kožny maje prava na samavyjaŭleńnie i vybar luboj prafiesii. Kamientatary ŭchvalali śmiełaść brenda.
U vyniku rolik usio ž byŭ vydaleny ź instahrama. Pry tym, što ź vizažystam Rustemam z Krasnadara brend supracoŭničaje dosyć daŭno. I jon nie pieršy chłopiec-vizažyst u ich «navučałkach».
Videa z 2019 hoda
U tyktoku roliki z Rustemam praciahvajuć svajo isnavańnie: aŭdytoryja hetaj sacsietki dakładna reahuje na padobnuju kamunikacyju lepš, demanstrujučy bolšuju prasunataść i talerantnaść.
Mienavita hety rolik byŭ pradublavany ŭ instahram
Jany pajšli ad nas u 2024 hodzie. Zhadvajem biełarusaŭ, jakich my stracili8
Kamientary