Nieabchodna stvaryć usie ŭmovy, kab «biełaruskija miedyki pracavali na rodnaj ziamli, a nie biehali pa śviecie ŭ pošukach lepšaha žyćcia», zajaviŭ Alaksandr Łukašenka padčas naviedvańnia Minskaj abłasnoj dziciačaj kliničnaj balnicy ŭ Baraŭlanach, piša BiełTA.
«Žyviacie vy tut u dobrych umovach. Ja dumaŭ, vy doŭha budavali hetuju balnicu, ale hubiernatar kaža, za paŭtara hoda ŭsio zrabili. I dobra. Ciapier pacichu budziem budavać arendnaje žyllo. Budziem staracca, kab vy na svajoj rodnaj ziamli pracavali, a nie biehali dzieści pa śviecie ŭ pošukach lepšaha žyćcia», — padkreśliŭ Alaksandr Łukašenka.
«Ale ja rady, što niekatoryja z vašych pabiehli, a ciapier (u mianie na stale stos materyjału i dakumientaŭ) prosiacca nazad. Ja zadaju pytańnie: «Dyk a čamu ž? Što ž vy? Tam i zarobak, i ŭsio». — «Nie, nie, nie. Takoj achovy zdaroŭja, jak u Biełarusi, niama». U kompleksie, u cełym», — adznačyŭ jon.
Łukašenka taksama skazaŭ, što biełaruskim śpiecyjalistam składana realizavać siabie za miažoj, niahledziačy na vysokuju kvalifikacyju.
«I dziŭna. Ja dumaŭ, što palaki — heta našy ludzi, našy rodnyja, słavianie i inšaje, nikoli našych ludziej nie pakryŭdziać. Ale ničoha padobnaha: heta palaki, a vy voś tam usio – i ŭkraincy, i biełarusy i hetak dalej, — adznačyŭ Alaksandr Łukašenka. — Ale kali chtości choča pasprabavać — kali łaska. Nie chaciełasia b, ale hladzicie sami, vy robicie svoj vybar».
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary
Ja povierił :D