Na kuchniach restaranaŭ chutkaha charčavańnia ŭsio čaściej źjaŭlajucca robaty
Na fonie niedachopu pracoŭnaj siły sietki chutkaha charčavańnia supracoŭničajuć sa šmatlikimi startapami, kab aŭtamatyzavać praces na kuchni.
U adnym z restaranaŭ papularnaj amierykanskaj sietki chutkaha charčavańnia White Castle užo hod pracuje niezvyčajny rabotnik z vyklučnaj pracazdolnaściu — kuchar-robat Flipi. Jon pracuje 23 hadziny na sutki (adna hadzina vyłučajecca na čystku) i zabiaśpiečvaje ceły restaran bulbaj fry.
Ruka pramysłovaha robata, abciahnutaja tłuščaniepranikalnym rukavom, ruchajecca pa rejcy, prymacavanaj da stoli i samastojna padymaje i apuskaje košyki z bulbaj fry, kali jana pryhatujecca. Akramia bulby, Flipi moža pryhatavać bolšaść harniraŭ restarana. Heta značyć, što ludzi, jakija pracujuć razam z robatam, majuć bolš času dla ŭzajemadziejańnia z klijentami, piša The Wall Street Journal.
White Castle nastolki zadavoleny pracaj Flipi, što, razam ź jaho vytvorcam Miso Robotics, płanuje vypuścić palepšanuju viersiju robata i raspaŭsiudzić jaho ŭ inšych restaranach sietki.
U restaranach i hatelach śvietu apošnim časam nazirajecca niedachop pracoŭnaj siły. Usio bolš ludziej zadajucca pytańniem, ci varta ŭładkoŭvacca ŭ śfieru hramadskaha charčavańnia z paźmiennym hrafikam, adnosna nizkim zarobkam i vysokaj fizičnaj nahruzkaj. Heta vymušaje pradprymalnikaŭ vykarystoŭvać kijoski samaabsłuhoŭvańnia i aptymizoŭvać anłajn-zamovy. Adnak kiraŭniki hetaj haliny sprabujuć vyrašyć bolš składanuju prablemy: aŭtamatyzavać niepasredna vytvorčaść praduktaŭ charčavańnia.
Restarany chutkaha charčavańnia ŭžo daŭno vykarystoŭvajuć aŭtamatyzacyju ŭ toj ci inšaj formie na svaich kuchniach. Ale taja tendencyja, jakaja nazirajecca ciapier, inšaja. U epochu pandemii, kali značna vyras popyt na vynas i dastaŭku, restaratary pačali razhladać novyja, jašče bolš daskanałyja technałohii.
Adna z hałoŭnych prablem, ź jakoj sutykajucca inžyniery pry aŭtamatyzacyi pryhatavańnia ježy, u tym, što ježa nie padobnaja da mietaličnych panelaŭ, ź jakimi praściej navučyć robataŭ pracavać, naprykład, na aŭtamabilnym zavodzie.
«Sapraŭdnaja składanaść u tym, kab stvaryć mašynu, jakaja b mahła kiravać rečyvam, što pastajanna defarmujecca ŭ pracesie pryhatavańnia», - śćviardžaje Barni Rah, vykanaŭčy dyrektar łondanskaj kampanii Karakuri robotics, jakaja raspracoŭvaje rabatyzavanuju stałovuju ŭ adnoj z kaviarań. Da hetaha jašče dadajucca prablemy biaśpiečnaha abychodžańnia z charčovymi praduktami i pastajanny źmieny tempieratur padčas pracesu pryhatavańnia.
Adnak robat Karakury moža pryhatavać samyja roznyja stravy, dzie treba źmiašać pradukty ŭ miscy. Svajoj rabatyzavanaj rukoj Karakury źmiešvaje roznyja inhrydyjenty ŭ adpaviednaści z patrebnym receptam.
Pa takim ža pryncypie pracuje i robat Beastro ad izrailskaj kampanii Kitchen Robotics, tolki vyhladaje jon inakš. Beastro napaŭniaje miski patrebnymi inhrydyjentami i samastojna pieradaje ich na stužku, dzie ježa praciahvaje hatavacca.
Vytvorcy kuchonnaj rabatatechniki aryjentujucca na toje, kab hadzina pracy robata-kuchara abychodziłasia tańniej, čym ludziej, jakich jon zamianiaje. Robata Beastro možna arandavać za 7500 tysiač dalaraŭ u miesiac, u tym liku zabiaśpiečvajecca jaho techničnaje absłuhoŭvańnie. Adzin robat moža zamianić pracu 2-3 čałaviek.
Del Taco, sietka z prykładna 600 mieksikanskich restaranaŭ chutkaha charčavańnia, supracoŭničaje z Miso Robotics, kab stvaryć robata, jaki b moh samastojna raźlivać napoi. Heta paskoryć chutkaść vykanańnia zamoŭ, bo sistema budzie aŭtamatyčna brać kubak, vybirać patrebny napoj, dadavać lod i addavać ludziam.
Na siońnia aŭtamatyzacyja kuchni razhladajecca restaratarami jak mahčymaść sekanomić hrošy i čas. Tamu heta tendencyja śviedčyć pra budučyniu, dzie hatavać i padavać ježu buduć u mnohich vypadkach robaty.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary