77 hadoŭ tamu, 1 žniŭnia 1944 hoda, pa zahadzie hałoŭnakamandujučaha Armijaj Krajovaj hienierała Tadevuša «Bora» Kamaroŭskaha ŭspychnuła Varšaŭskaje paŭstańnie.
U 17.00 prabiła hadzinu W. Paŭstancy pačali hieraičnuju baraćbu ź siłami niamieckich akupantaŭ, jakija šmat ich pieraŭzychodzili.
Paśla 63 dzion bajoŭ, u noč z 2 na 3 kastryčnika, kala 2-j hadziny nočy, u Ažaruvie-Mazavieckim byŭ padpisany akt ab kapitulacyi paŭstancaŭ.
Padčas bajoŭ zahinuła ad 16 000 da 18 000 paŭstancaŭ. Amal 25 000 čałaviek atrymali ranieńni. Straty siarod mirnaha nasielnictva skłali kala 180 tysiač čałaviek.
U niadzielu asnoŭnyja pamiatnyja mierapryjemstvy prajšli na Vajskovych mohiłkach na Pavonzkach la pomnika Gloria Victis, paviedamlaje «Radyjo Polšča».
Prezident Polščy Andžej Duda ŭskłaŭ kvietki da miemaryjalnaj doški ŭ varšaŭskim rajonie Vola, pryśviečanaj palakam, zabitym padčas paŭstańnia.
U hadavinu pačatku Varšaŭskaha paŭstańnia dypłamatyčnyja pradstaŭnictvy Hiermanii ŭ Polščy pryspuścili ściahi ŭ znak hłybokaha smutku i soramu.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»24
Kamientary