Jakaja dapamoha patrebnaja Budsłaŭskamu kaściołu prosta ciapier?
Paśla pažaru Budsłaŭskamu kaściołu spatrebicca dapamoha ŭ adnaŭleńni. Paśla taho jak rasčyściać dach, nieabchodna budzie navieści paradak u samoj śviatyni.
Apieratyŭnuju infarmacyju vałanciory zmohuć znajści ŭ telehram-kanale @budslau. Jaho zavioŭ ksiondz budsłaŭskaha prychodu Dźmitryj Dubovik.
Jon kaža, što ciapier najpierš šukajuć alpinistaŭ i rabočych, jakija majuć dopusk da pracy na vyšyni. Treba budzie spuskać belki i reštki mietaličnaha kryćcia.
«Jość niebiaśpieka, što ŭsio heta moža abrynucca, tamu najpierš nieabchodna razabrać toje, što źvierchu. Kali raźbiarom — pytańnie času.
Užo paśla budziem prasić, kab ludzi pryjazdžali źnizu ŭsio prybirać, bo śmiećcia budzie vielmi šmat. Ale pakul u kaścioł uvachodzić zabaroniena — puskajuć tolki śpiecyjalistaŭ dla abśledavańnia», — dzielicca ksiondz.
Słužby časova buduć iści ŭ susiednim budynku.
Padčas pažaru prychadžanie chvalavalisia za ŭnikalny arhan — jon byŭ zrobleny ŭ 1771 hodzie vilenskim majstram Nikałausam Janconam. Instrumient praź jaho vialikija habaryty nielha było vynieści, tamu pažarnyja dziažuryli kala jaho, pakul ich kalehi tušyli połymia na dachu. Ciapier z arhanam pracuje Alaksandr Burdziloŭ, aŭtar knihi «Arhany Biełarusi» — paśla jaho acenki budzie zrazumieła, ci paciarpieŭ instrumient.
Hrošy na adnaŭleńnie kaścioła źbirajuć na rachunak parafii. Ksiondz Dźmitryj pryznajecca, što navat nie było času adsačyć, jakija achviaravańni tudy pastupajuć. Učora praź pieravyšeńnia limitu pieravodaŭ na rachunak nielha było pieraličyć hrošy.
«My źviarnulisia ŭ bank, kab vyrašyli hetu prablemu, nie viedaju, ci paśpieli jany ŭžo razabracca. Budziem spravazdačy davać troški paźniej. Kolki atrymali, na što patracili — pra ŭsio raskažam».
***
Raźlikovy rachunak parafii ŭ Budsłavie:
Relihijnaja abščyna «Ryma-katalickaja parafija Uniebaŭziaćcia Najśviaciejšaj Panny Maryi»
222374 Minskaja vobł., Miadzielski r-n, ah. Budsłaŭ, vuł. Čyrvonaja płošča, 8
r/s BY12BAPB30153404200100000000
v OAO «Biełahroprombank» h. Minsk
kod banka BAPBBY2X
UNP 600195666
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary