Pradstaŭnik MNS pra pažar u Budsłavie: Heta była bitva za kaścioł. Maje kalehi zrabili ŭsio mahčymaje i trochi bolš
Aficyjny pradstaŭnik Ministerstva pa nadzvyčajnych situacyjach Vital Navicki taksama ŭ svaim fejsbuku padzialiŭsia pra pažar u budsłaŭskim kaściole.
Jon adznačyŭ, što zbolšaha ŭsie pryznali, što «budynak my vyratavali».
«Zrazumieła, napieradzie doŭhi i niaprosty ramont, źviazany z pracaj na vyšyni, biezumoŭna jašče treba vyśvietlić pryčyny (pa kamientarach miascovych žycharoŭ i raźvićci pažaru atrymlivajecca, što hareć mahło pačać jašče nočču), ale maje kalehi zrabili ŭsio mahčymaje i trochi bolš.
Vielmi sproščana pryniata ličyć, što pry takich pažarach jość dźvie taktyki. Pieršaja — li i nie škaduj. Možna i pienaj, možna i viertalotami, usio zaležyć ad techničnych mahčymaściaŭ. Ale ŭžo pieršyja rabotniki MNS, jakija prybyli na miesca (praz čatyry chviliny paśla paviedamleńnia) zrazumieli: tut jość za što pazmahacca i vyrašyli dziejničać inakš.
Adrazu ž byli pryciahnutyja dadatkovyja ludzi i technika. Akramia ratavalnikaŭ z susiednich rajonaŭ, vyjechali chłopcy ź Minskaha haradskoha ŭpraŭleńnia MNS. Na vyjezd padjomnaj techniki sa stalicy pajšło paru chvilin i vopyt chłopcaŭ taksama spatrebiŭsia ŭ Budsłavie.
A dalej była «kropkavaja» padača vady. Pablizu ałtara, pablizu arhana, jaki nielha było vynieści, ale treba było vyratavać, u skrytyja paražniny kanstrukcyj dachu.
Viadoma, karcinka atrymałasia nie takaja jarkaja: 12 łafietnych stvałoŭ vyhladali b kudy bolš epična, i spravilisia b chutčej, ale i abvalenym dacham dakładna nie abyšłosia pa nastupstvach, nie kažučy ŭžo pra vadu, jakaja jašče bolš by zmyła/razmyła/źniščyła śledam za ahniom.
Paśla łakalizacyi (heta kali połymia nie raspaŭsiudžvajecca, nie nanosić dadatkovy ŭron) ahoń źnik i dymu stała značna mienš, niekatoryja ŚMI navat paśpiašalisia napisać, što pažar likvidavany, ale ŭ realnaści chłopcy praciahvali abśledavańnie ŭsich niš i ŭsich elemientaŭ dachu.
U 15:21 bitva za kaścioł była skončanaja, a ciapier pačynajecca karpatlivaja praca pa jaho adnaŭleńni».
«Adnaŭlać budziem usioj Biełaruśsiu». Repartaž z Budsłava, dzie ratavali ad pažaru katalickuju śviatyniu
Jak pieraličyć hrošy na adnaŭleńnie kaścioła ŭ Budsłavie praz ARIP
«Boh pramaŭlaje z nami praz svaje znaki»: arcybiskup Tadevuš Kandrusievič emacyjna vykazaŭsia pra pažar u Budsłavie
Ministram kultury pryznačany artyst Rusłan Čarniecki
Ministram kultury pryznačany artyst Rusłan Čarniecki
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary