Pradstaŭnika niezaležnaha prafsajuza REP Andreja Komlika-Jamacina aryštavali na 25 sutak za hirlandu na bałkonie i za admovu adčyniać dźviery ŭ svaju kvateru siłavikam, jakija pryjšli da jaho ź pieratrusam, paviedamlajuć pravaabaroncy.
![](http://d3kcf2pe5t7rrb.cloudfront.net/img/w840d4webp1/photos/z_2021_02/cadac73e-d83a-4af9-84af-846bd2ac7cf0_w650_r0_s-bd4at-7nc95.jpg.webp)
Andreja Komlika-Jamacina zatrymali paśla pieratrusu ŭ jahonaj kvatery pa art. 342 KK, što prachodzili pa ŭsioj Biełarusi ŭ pravaabaroncaŭ, aktyvistaŭ, žurnalistaŭ. Viadoma, što taksama pieratrus adbyvaŭsia ŭ jaho baćki Ihara Komlika i ŭ ofisie niezaležnaha prafsajuza REP.
Na Andreja skłali dva administracyjnyja pratakoły: pa art. 23.34 i art 23.4 KaAP. Artykuł za «niepadparadkavańnie» źjaviŭsia paśla taho, jak Ardriej admoviŭsia adčyniać dźviery siłavikam. Taksama na jaho skłali pratakoł za pikietavańnie na ŭłasnym bałkonie: vyviesiŭ sierabrysta-bardovuju hirlandu.
Spravu razhladała sudździa Frunzienskaha rajona Maryja Jarochina. Komlik-Jamacin raspavioŭ, što da jaho pryjšli kala 7 ranicy, ale jon nie adčyniŭ dźviery, tamu što nie viedaŭ, što heta milicyja, tamu siłaviki sami ŭskryli zamok u dźviarach.
Sudździa Jarochina aryštavała Andreja na 25 sutak.
Kamientary