Na sajcie Vilejskaj CRB źjavilisia demahrafičnyja pakazčyki za minuły hod.
U 2020 hodzie nasielnictva horada i rajona skłała 48 500 čałaviek (u 2019 — 46810).
Pamierła 957 čałaviek (u 2019 — 756). Takim čynam, rost śmiarotnaści skłaŭ 27%.
Naradziłasia 371 dzicia (u 2019 — 415).
Pamierła adno dzicia va ŭzroście da hoda. U 2019 takich vypadkaŭ na Vilejščynie było try.
Naturalny pryrost nasielnictva pa rajonie — minus 586 (u 2019 — minus 341), piša Rehijanalnaja hazieta.
Raniej na asnovie asobnych apublikavanych źviestak stała viadoma, što śmiarotnaść u Mahilovie, Minskim rajonie i Baranavičach u 2020 hodzie na 20—30% pieravyšaje pakazčyki 2019 hoda.
Statystyka śmiarotnaści za 2020 hodzie pa krainie ŭ cełym zasakrečanaja, choć raniej štohod publikavałasia. Biełaruś — adzinaja kraina Jeŭropy, jakaja chavaje statystyku śmiarotnaści za hod, kali pačałasia pandemija karanavirusa.
U 2019 hodzie ŭ Biełarusi pamierła kala 120 tysiač čałaviek.
Pa aficyjnych dadzienych, u 2020-m ad kavidu ŭ Biełarusi pamierła tolki 1424 čałaviek.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?13
Kamientary