Kiraŭniku «Biełciažmaša» Iharu Aniščanku źmianili mieru strymańnia z zaklučeńnia pad vartu na padpisku ab niavyjeździe. Infarmacyju pra heta Tut.by paviedamili infarmavanyja krynicy i paćvierdziŭ sam Aniščanka.
— Adpuścili ŭčora ŭviečary, ja pad padpiskaj ab niavyjeździe i ab nierazhałošvańni. Adčuvaju siabie narmalna, — raspavioŭ Ihar Aniščanka.
Ranicaj 16 vieraśnia pradstaŭniki pravaachoŭnych orhanaŭ pryjšli ŭ ofisy hrupy kampanij «Biełciažmaš», jakimi kirujuć biznesmieny Ihar, Alaksandr i Dźmitryj Aniščanki.
Departamient finansavych rasśledavańniaŭ KDK padazraje kiraŭnictva «Biełciažmaša» va ŭchileńni ad vypłaty padatkaŭ na sumu bolš za 6 młn rubloŭ.
Zatrymańnie kiraŭnikoŭ «Biełciažmaša» adbyłosia praz tydzień paśla taho, jak śpiecsłužby apiačatali pamiaškańnie štaba Viktara Babaryki. Kamanda byłoha kiraŭnika Biełhazprambanka, jaki ŭ mai abviaściŭ pra svaje prezidenckija ambicyi, zdymała ofis u budynku pa vuł. V. Charužaj, 25/1, jaki zdaje ŭ arendu «Biełciažmaš». Paźniej tam raźmiaščaŭsia i Kaardynacyjny saviet.
Dzianis Mieljancoŭ i jaho reałpalityk: jon sapraŭdy pamianiaŭ pohlady ci prosta raniej maskiravaŭsia?47
Kamientary