Prezident Litvy: Cyrymonija inaŭhuracyi nie nadaje Łukašenku lehitymnaści
![](http://d3kcf2pe5t7rrb.cloudfront.net/img/w840d4webp1/photos/z_2020_09/gitanas-nauseda-85214481-sfb6j.jpg.webp)
Delfi.lt
Litva nie pryznaje Alaksandra Łukašenku zakonnym prezidentam Biełarusi, i arhanizavanaja ŭ Minsku cyrymonija inaŭhuracyi hetaj situacyi nie źmienić, zajaviŭ prezident Litvy Hitanas Naŭsieda, piša Delfi.lt.
«Litva nie pryznaje Łukašenku zakonnym kiraŭnikom Biełarusi. Vybary ŭ Biełarusi 9 žniŭnia nie byli svabodnymi, sumlennymi i demakratyčnymi. Ni tajemnyja, ni pampieznyja cyrymonii nie abvierhnuć hetaha biassprečnaha fakta i nie stvorać iluziju lehitymnaści», — zajaviŭ u sieradu prezident Litvy.
«My vykazvajemsia za novyja demakratyčnyja vybary prezidenta z udziełam mižnarodnych naziralnikaŭ», — adznačyŭ Naŭsieda.
U svaju čarhu ministr zamiežnych spraŭ Linas Linkiavičus nazvaŭ inaŭhuracyju farsam.
Kamientary