dapoŭniena
Siońnia, 31 sakavika 2020 hoda pamior akcior minskaha Maładziožnaha teatra Haryk Viepškoŭski. Pra heta TUT.BY paviedamili jaho kalehi, infarmacyju paćvierdzili i ŭ teatry.
— Jon pajechaŭ u Brest da baćkoŭ. Tam tempieratura 40 hradusaŭ, dryžyki, kašal. I padniaŭsia cisk, — paviedamili TUT.BY kalehi Viepškoŭskaha spačatku.
Adnak svajaki, u jakich jon haściavaŭ, kažuć, što nijakich prykmiet reśpiratornaj infiekcyi ŭ jaho nie było, ale padniaŭsia cisk — u Haryka ź dziacinstva byli prablemy z sercam:
— Ni tempieratury, ni kašlu, ničoha ŭ jaho nie było. U jaho byŭ tolki vysoki cisk. Učora jon naviedaŭ dvuch daktaroŭ. Spačatku jamu źbili ŭ paliklinicy cisk. Jamu paśla pryjomu stała znoŭ horš. Jaho pavieźli ŭ pryvatny miedcentr. Dumali, moža tam dapamohuć. Jamu tam skazali papić leki i adpravili dadomu. Unačy jon pajšoŭ spać i ŭ śnie pamior, — raspaviali TUT.BY svajaki.
Haryk Viepškoŭski naradziŭsia ŭ 1985 hodzie ŭ Breście. Skončyŭ Brescki muzyčny kaledž imia Šyrmy. Pracavaŭ u Bresckim teatry dramy, u Respublikanskim teatry biełaruskaj dramaturhii, z 2018 hoda — u Moładzievym teatry.
Zdymaŭsia ŭ sieryjałach, u 2014 hodzie źniaŭ karotkamietražny film «Padarunak».
Pra miesca i čas raźvitańnia budzie paviedamlena dadatkova.
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ35
Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3939
Kamientary