Minadukacyi pra zabastoŭku ŭ pryvatnaj VNU: Heta sproba syści ad prablemy
U Ministerstvie adukacyi prakamientavali situacyju ź Minskim inavacyjnym univiersitetam (MIU). Kamientar źmieščany na sajcie viedamstva.
U adpaviednaści z Kodeksam ab adukacyi paćviardžeńnie dziaržaŭnaj akredytacyi pravodzicca ŭsimi VNU nie radziej razu ŭ piać hadoŭ.
U biahučym hodzie płanavaje paćviardžeńnie dziaržaŭnaj akredytacyi pravodziłasia ŭ Minskim inavacyjnym univiersitecie. Byli vyjaŭleny šmatlikija parušeńni zakanadaŭstva, adznačyli ŭ Minadukacyi.
U pryvatnaści, termin atrymańnia vyšejšaj adukacyi ŭ zavočnaj (dystancyjnaj) formie nie adpaviadaje patrabavańniam adukacyjnych standartaŭ, vyjaŭleny parušeńni ŭ arhanizacyi navučalnaha pracesu i biahučaj atestacyi studentaŭ i słuchačoŭ, šerah strukturnych padraździaleńniaŭ univiersiteta nie adpaviadaje patrabavańniam, kolkaść vydadzienych paśviedčańniaŭ ab pavyšeńni kvalifikacyi pieravyšaje kolkaść słuchačoŭ, jakija asvoili prahramy pavyšeńnia kvalifikacyi, pa šerahu pradmietaŭ adsutničajuć navučalnyja prahramy i inš.
Dla Minskaha inavacyjnaha univiersiteta jość dva šlachi vyrašeńnia situacyi: pieršy — likvidavać usie zaŭvahi kamisii i źviarnucca pa paŭtornuju akredytacyju; druhi — zakryć nieakredytavanyja śpiecyjalnaści. Akramia taho, va ŭniviersiteta jość prava na apielacyju, havorycca ŭ kamientary.
U svaju čarhu studentam budzie dadziena mahčymaść praciahnuć navučańnie ŭ inšych VNU pa vučebnych płanach i prahramach MIU, paabiacali ŭ Minadukacyi.
U hetaj suviazi «dziejańnie kiraŭnictva VNU pa padbuchtorvańni studentaŭ da zabastovak, manipulavańniu hramadskaj dumkaj» Minadukacyi razhladaje jak «sprobu syści ad vyrašeńnia pytańnia pa sutnaści».
Studenty pryvatnaj VNU ŭ Minsku vyjšli na zabastoŭku
Barabanščyku, jaki viarnuŭsia z Hruzii, pahražaje da 12 hadoŭ kałonii1
Kamientary