Alaksandr Łukašenka prybyŭ z aficyjnym vizitam u Aŭstryju. Samalot kiraŭnika biełaruskaj dziaržavy pryziamliŭsia ŭ vienskim mižnarodnym aeraporcie Šviechat, pieradaje karespandent BiełTA.
![](http://d3kcf2pe5t7rrb.cloudfront.net/img/w732d4webp1/photos/z_2019_11/000019_1573482692_368689_big-vunku.jpg.webp)
La trapa samalota kiraŭnika biełaruskaj dziaržavy sustrakali fiederalny ministr ličbavizacyi i ekanamičnaj palityki Elizabiet Udolf-Štrobl, ministr zamiežnych spraŭ Biełarusi Uładzimir Makiej, a taksama pasły Biełarusi i Aŭstryi Alena Kupčyna i Ałaizija Vierhieter.
![](http://d3kcf2pe5t7rrb.cloudfront.net/img/w732d4webp1/photos/z_2019_11/000019_e5cd9858eace9a3f432584af004f9241_900364-mjmhl.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2019_11/000019_e5cd9858eace9a3f432584af004f9241_261125-yi68n.jpg.webp)
Z aeraporta Alaksandr Łukašenka nakiravaŭsia ŭ Vienu, dzie ŭskłaŭ vianok da pomnika savieckim voinam-vyzvalicielam. Na cyrymonii taksama prysutničali členy aficyjnaj delehacyi Biełarusi, pradstaŭniki hramadskaści, a taksama pasły krain SND u Aŭstryi. Kožnaha z dypłamataŭ kiraŭnik dziaržavy vitaŭ asabista.
![](http://d3kcf2pe5t7rrb.cloudfront.net/img/w732d4webp1/photos/z_2019_11/000019_e5cd9858eace9a3f432584af004f9241_261065-bobvq.jpg.webp)
Na cyrymonii ŭ liku dypłamataŭ prysutničaŭ pastajanny pradstaŭnik Rasii pry ABSIE Alaksandr Łukaševič. U razmovie z žurnalistami jon adznačyŭ simvaličnaść taho fakta, što svoj vizit u Vienu Łukašenka pačaŭ mienavita z hetaha mierapryjemstva. «Heta pakazvaje staŭleńnie i da hetaha pomnika, i da hetych achviar, - skazaŭ jon. - Vialiki dziakuj biełaruskim kaleham i lidaru Biełarusi, što svoj vizit jon pačynaje mienavita z takoj cyrymonii. Heta daroha varta». «Liču, što heta vielmi pravilny žest. Luby vizit našych kiraŭnikoŭ pačynajecca z uskładańnia vianka. Asabliva heta pamiatna dla Rasii, Biełarusi, jakija pakłali za vyzvaleńnie toj ža Vieny vielmi šmat čałaviečych žyćciaŭ. Mahu skazać, što moj baćka vyzvalaŭ Vienu. Kožnaje mierapryjemstva, źviazanaje z hadavinaj Vialikaj Ajčynnaj vajny, tut prachodzić pry samym aktyŭnym udziele pasłoŭ SND», - raskazaŭ dypłamat. Pomnik savieckim voinam, jakija zahinuli pry vyzvaleńni Aŭstryi ad fašyzmu, byŭ ustanoŭleny ŭ centry Vieny letam 1945 hoda. Płanujecca, što 12 listapada ŭ Vienie ŭ vuzkim i pašyranym składach projduć pierahavory kiraŭnika biełaruskaj dziaržavy ź Fiederalnym prezidentam Aŭstryi Alaksandram Van der Bielenam. Lidary krain abmiarkujuć pradaŭžeńnie handlova-ekanamičnaha, inviestycyjnaha i humanitarnaha supracoŭnictva, jakoje ŭžo znachodzicca na davoli vysokim uzroŭni. U centry ŭvahi buduć i palityčnyja pytańni: situacyja ŭ rehijonie i śviecie, uzajemadziejańnie Biełarusi ź Jeŭrasajuzam, u tym liku ŭ farmacie «Uschodniaha partniorstva», tematyka achovy navakolnaha asiarodździa. Łukašenka ŭ Vienie praviadzie taksama pierahavory sa staršynioj Nacyjanalnaha savieta Aŭstryi Volfhanham Sabotkam. Akramia taho, Alaksandr Łukašenka ŭ farmacie rabočaj viačery praviadzie sustreču sa staršynioj Aŭstryjskaj narodnaj partyi, deputatam Nacyjanalnaha savieta Aŭstryi Siebaśćianam Kurcam.
Kamientary