Namieśniku staršyni Libieralna-demakratyčnaj partyi Alehu Hajdukieviču 4 studzienia zrabili apieracyju pa vydaleńni puchliny ślinnoj załozy.
«Apieracyja doŭžyłasia try hadziny, usie pad narkozam. Apieracyja składanaja, bo ŭ milimietry ad puchliny znachodzicca nierv tvaru, i kali jaho vypadkova začapić, to moža atrafiravacca ŭvieś tvar. Rabili pad mikraskopam. Usio vydatna! U nas cudoŭnyja ŭ krainie lekary, nie tyja, što ŭ ministerstvach siadziać, a tyja, što pracujuć z pacyjentami. Ja tut baču, jakija składanyja apieracyi jany robiać i dzieciam, i darosłym. Takim ludziam treba pomniki stavić», — dzielicca Hajdukievič.
Palityk kaža, što pra puchlinu daviedaŭsia vypadkova ŭ śniežni. Čas dla apieracyi miž Novym hodam i pravasłaŭnym Rastvom abraŭ admysłova, bo «najmienš pracy». «Pieršaja apieracyja ŭ žyćci, chvalavaŭsia, ale ŭsio zroblena vydatna», — raskazaŭ jon «NN».
Puchlina dobrajakasnaja.
Hajdukievič skazaŭ, što ŭžo ŭ paniadziełak płanuje vyjści na pracu, a bližejšym časam nakiravacca ŭ składzie delehacyi ŁDPB u Tehieran.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»24
Kamientary