Uviadzieńnie zabaronaŭ i abmiežavańniaŭ u pytańni pastavak rasijskich naftapraduktaŭ u Biełaruś parušyć asnoŭnyja pryncypy Damovy ab stvareńni JEAES. Takoje mierkavańnie karespandentu BiełTA vykazaŭ staršynia kancerna «Biełnaftachim» Andrej Rybakoŭ.

«Siońnia ŭ šerahu rasijskich ŚMI prahučała infarmacyja z kamientarom ministra enierhietyki RF Alaksandra Novaka pra toje, što ekanamičnaj metazhodnaści ŭ tym, kab pastaŭlać rasijskija naftapradukty ŭ Respubliku Biełaruś niama, tamu što jany prosta mohuć reekspartavać.

Takija zajavy, ličym, majuć na mecie paŭpłyvać na chod pieramoŭnaha pracesu i pazbaŭlenyja kanstruktyŭnaści», - adznačyŭ Andrej Rybakoŭ.

Jon padkreśliŭ, što svaju pazicyju i arhumienty pieramoŭščyki ź biełaruskaha boku ahučvajuć na kansultacyjach i nie majuć namieru tranślavać ich u ŚMI da zaviaršeńnia pieramoŭnaha pracesu i padpisańnia adpaviednych dakumientaŭ.

Zaraz biełaruski i rasijski baki znachodziacca ŭ stadyi zbližeńnia pazicyj pa vyznačeńni indykatyŭnych bałansaŭ na 2019 h. Usia praca pa pastaŭkach rasijskich naftapraduktaŭ viadziecca vyklučna ŭ pravavym poli. Biełaruś vykonvaje ŭ poŭnym abjomie uziatyja na siabie abaviazacielstvy.

«Uviadzieńnie zabaronaŭ i abmiežavańniaŭ u dadzienym pytańni parušyć asnoŭnyja pryncypy Damovy ab stvareńni JEAES. Adsutnaść syraviny źnizić zahruzku asobnych pradpryjemstvaŭ, što niehatyŭna adabjecca na kankurentazdolnaści biełaruskaj naftachimičnaj pradukcyi», - skazaŭ na zakančeńnie Andrej Rybakoŭ.

Pieramovy pa pytańniach dalejšaha supracoŭnictva ŭ enierhietyčnaj śfiery buduć praciahnutyja.

Клас
0
Панылы сорам
0
Ха-ха
0
Ого
0
Сумна
0
Абуральна
0