Taras Nadolny, jaki ŭ pačatku hoda pakinuŭ pasadu pieršaha namieśnika kiraŭnika Nacbanka Biełarusi, uzhodnieny na pasadu namieśnika staršyni praŭleńnia banka BiełVEB. Pra heta TUT.BY raspaviali try ŭdzielniki rynku.
![](http://d3kcf2pe5t7rrb.cloudfront.net/img/w732d4webp1/photos/z_2018_07/20_nacbank_kallaur_zam_tutby_phsl_06052016-6fgu2.jpg.webp)
Paśla zvalnieńnia ŭ studzieni z Nacbanka Nadolny pierajechaŭ u ofis Banka Maskva-Minsk, dzie da hetaha času značycca staršynioj naziralnaj rady banka.
14 krasavika śpiecyjalnaja kamisija Nacbanka pryznała, što kandydytura Nadolnaha adpaviedaje kvalifikacyjnym patrabavańniam i patrabavańniam da dziełavoj reputacyi pa nastupnych pasadach: kiraŭnik banka abo jaho namieśnik, člen praŭleńnia, člen rady dyrektaraŭ (naziralnaj rady), niezaležny dyrektar. Usie paśviedčańni ab prachodžańni acenki adpaviednaści byli vydadzieny bankiru terminam na 5 hadoŭ.
Novaje pryznačeńnie nie prymusiła siabie doŭha čakać. Taras Nadolny ŭzhodnieny na pasadu namieśnika staršyni praŭleńnia Banka BiełVEB, raspaviali try ŭdzielniki bankaŭskaha rynku.
Heta biełaruskaja «dačka» rasiejskaj dziaržkarparacyi Źniešekanoambank. Paśla prezidenckich vybaraŭ u Rasiei jaje ŭznačaliŭ były pieršy vice-premjer Ihar Šuvałaŭ. Jon pierajšoŭ z urada nie adzin, a sa svajoj šmatlikaj kamandaj. Adna ź jaho pieršych inicyjatyŭ tyčylisia skaračeńniaŭ amal pałovy piersanału dziaržkarparacyi.
«Finansavaje stanovišča Źniešekanambanka paśla miehabudoŭlaŭ surjozna pahoršyłasia. Dziaržkarparacyja, jakaja stvarałasia jak instytut raźvićcia, vymušana niejak reahavać i źnižać vydatki. Dziejańni «novaj miatły» vidavočna zakranuć i Biełaruś», — skazała krynica ŭ bankaŭskich kołach.
Samym bujnym prajektam ZEBa ŭ Biełarusi źjaŭlajecca finansavańnie budaŭnictva AES.
Za plačyma 41-hadovaha Tarasa Nadolnaha 20-hadovy staž pracy ŭ Nacbanku. Za hety čas jon prajšoŭ šlach ad ekanamista I katehoryi da pieršaha namieśnika staršyni praŭleńnia. U CV Nadolnaha značacca vučoba ŭ minskich narchozie i iniazie, a taksama Vienskim univiersitecie.
Kamientary