Uvažlivy čytač dasłaŭ u redakcyju «Našaj Nivy» fota ź minskaha parku imia Čaviesa.
Na miemaryjalnaj šyldzie, aproč tekstu, raźmieščanyja abrysy krainy, jakoj niama ni ŭ adnym atłasie — na heta i źviarnuŭ uvahu čytač.
![](http://d3kcf2pe5t7rrb.cloudfront.net/img/w732d4webp1/photos/z_2017_07/qtgu0j596a55494ed5c582306987v4prc9prywez.jpg.webp)
Ale vyśvietliłasia, što heta Vieniesueła z dałučanaj da jaje Hajanaj — anhłamoŭnaj krainaj u Łacinskaj Amierycy.
Vieniesueła maje terytaryjalnyja pretenzii da jaje praz rehijon, bahaty na zołata, ale adabrać tuju terytoryju nie moža (a heta 5/8 ad Hajany).
My spytalisia ŭ pasolstvie Vieniesueły, ci heta jany inicyjatary takoha dyzajnu. Tyja adkazali, što tak, bo ličać abaznačanyja vobłaści svajoj terytoryjaj.
Ci heta jość aficyjnaj pazicyjaj Biełarusi pa terytaryjalnaj sprečcy Hajany i Vieniesueły, nam vyśvietlić nie ŭdałosia — u pres-słužbie Minharvykankama nie zdoleli znajści aŭtara šyldy.
Skazali tolki, što ŭzhadnieńniem źmiestu zajmajecca zvyčajna kamisija pry rajonnaj administracyi — u hetym razie administracyja Frunzienskaha rajona stalicy.
Kamientary