Arhanizatary festyvalu muzyki maładoj Biełarusi «Basovišča-2017» abviaścili pra vizavuju padtrymku naviednikam kancertaŭ, jakija ciaham dvuch dzion (14—15 lipienia) projduć niedaloka ad Haradku na Padlaššy.
Usie achvotnyja atrymać biaspłatnuju vizu pavinny da 30 červienia zapoŭnić admysłovuju ankietu. Uvachod na kancertnuju placoŭku volny.
Na imprezie vystupiać serby Neozbiljni pesimisti, palaki Łona i Webber, polskija biełarusy ILO&friends, biełaruskija hurty Re1ikt, «NahUal», «Daj Darohu!», Akute, Naviband, Stary Olsa, The Superbullz, Vuraj dy inšyja.
U konkursie maładych vykanaŭcaŭ za hałoŭny pryz buduć zmahacca BarRokka, Leibonik/Bašłykievič, SnopSnoŭu, Teleport.
Kamientary