U Viciebsku prybrali aharodžu na miescy płanavanaha budaŭnictva Safijskaha sabora FOTA
U parku Partyzanskaj słavy ŭ Viciebsku, dzie pravasłaŭnaja jeparchija źbirałasia ŭzvodzić kopiju połackaha Safijskaha sabora, demantavali aharodžu vakoł budplacoŭki.
Fota ź viciebskaha parku apublikavaŭ TUT.BY.
Demantaž adbyvaŭsia ciaham dvuch dzion: u čaćvier pačali, a ŭ piatnicu prybrali karkas i apory.
Ideja archijepiskapa Viciebskaha i Aršanskaha Dzimitryja pabudavać u Viciebsku kopiju połackaha Safijskaha sabora pa ŭzory XI st. vyklikała nieadnaznačnuju reakcyju siarod haradžan. Pavodle prajektu, na terytoryi, adviedzienaj pad budaŭnictva chrama i raźmiaščeńnie aŭtastajanki, chacieli śpiłavać 206 dreŭ.
Supraćstajańnie hramadskaści i arhanizataraŭ budaŭnictva sabora praciahvałasia sa studzienia 2015 hoda. Ludzi taksama adznačali, što ŭ hetym rajonie horada i tak stajać try pravasłaŭnyja chramy, pry hetym u Viciebsku chapaje daŭhabudaŭ.
Žychary horada pisali zvarot da Alaksandra Łukašenki, a taksama pietycyju da mitrapalita Paŭła. Praciŭniki budaŭnictva źbiralisia vosieńniu kožny paniadziełak u parku, kab kaardynavać svaje dalejšyja dziejańni i sačyć, ci nie pačałasia budoŭla.
Na miescy płanujemaha budaŭnictva pabyvaŭ staršynia abłvykankama Mikałaj Šarstnioŭ. U vyniku harvykankam prypyniŭ pracy na abjekcie i rekamiendavaŭ jeparchii adkarektavać prajekt budaŭnictva. U pryvatnaści, jeparchii prapanavali pamienšyć płošču nižniaha chrama da płoščy vierchniaha, admovicca ad aŭtastajanak, pieranieści zabudovu bližej da Dźviny i h.d. Heta dazvolić źvieści kolkaść vysiakać drevy da minimumu.
Staršynia Viciebskaha abłvykankama: Na budaŭnictva Safijskaha sabora niama hrošaj
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary