Viciebskija ŭłady prapanavali źmienšyć kopiju Safijskaha saboru, haradžanie nie chočuć budaŭnictva zusim

Žychary Viciebsku atrymali adkaz na svoj kalektyŭny zvarot da miascovych uładaŭ, u jakim vykłali arhumenty suprać uźviadzieńnia kopii połackaha Safijskaha saboru ŭzoru XI stahodździa. List jany nakiroŭvali ŭ abłvykankam, adnak čynoŭniki jaho pieraadrasavali, i adkaz pryjšoŭ ź Viciebskaha harvykankamu.

U liście za podpisam namieśnika staršyni harvykankamu Dźmitryja Šerykava paŭtarajecca toje ž, što viciablanie pačuli na niadaŭniaj sustrečy ź viciebskimi čynoŭnikami — što budaŭnictva zamarožana na niapeŭny termin.

Pavodle hetaha dopisu, haradzkija ŭłady prapanujuć hałoŭnymu inicyjataru ŭźviadzieńnia saboru, viciebskaj eparchii pravasłaŭnaj carkvy, zrabić šerah źmienaŭ u prajekcie. U tym liku pieranieści sabor na 36 metraŭ, kab minimalizavać zonu vyrubki drevaŭ u haradzkim parku, i z toj samaj metaj źmianić trasyroŭku kamunikacyj. Taksama — admovicca ad aŭtastajanki kala budynku, źmienšyć płošču nižniaha chramu da pamieraŭ vierchniaha — ułasna kopii połackaj Safii, skaracić terytoryju, na jakoj zamiest vyniščanych drevaŭ planavalisia brukavanyja darožki i placoŭki, i pavialičyć kolkaść kampiensacyjnych pasadak drevaŭ u centry horadu, a nie na ŭskrainie, jak źbiralisia pradstaŭniki eparchii.

Pavialičyć

Tym nia mienš, značnuju kolkaść apanentaŭ budaŭnictva prapanavanyja źmieny nie zadavalniajuć. Pratestna nastrojenaja častka nasielnictva vystupaje suprać źniščeńnia drevaŭ u parku pamiž vulicami Ŭryckaha i Čechava ŭ pryncypie — u luboj kolkaści.

Mnohija kažuć, što sabor-padrobka nie patrebny Viciebsku ŭvohule: u hetym rajonie j tak funkcyjanujuć try chramy, dzie navat u niadzielnyja dni mała viernikaŭ.

A tym časam u horadzie šmat «daŭhabudaŭ», i ŭ ichnym liku carkva śviatoha Archanhieła Michaiła kala hipermarkietu «Hryn», jakuju musili zbudavać da vieraśnia 2016 hodu, ale minaki bačać adno tolki padmurak.

Žadańnie Viciebskaj eparchii ŭvieści ŭ horadzie Safijski sabor miascovyja žychary tłumačać ambicyjnaściu miascovaha carkoŭnaha kiraŭnictva: maŭlaŭ, razmova viadziecca pra abjadnańnie z Połackaj eparchijaj, jakoje treba «adznačyć» symbaličnym saboram-navabudam. Šmat chto adznačaje, što hety sabor — danina rasiejskamu «Hazpramu», jaki paabiacaŭ dać hrošy na ŭźviadzieńnie Safii ŭ Viciebsku.

Praŭda, versyja pra mecenactva «Hazprama» i jaho kiraŭnika ŭ apošni čas asprečvajecca haradzkim kiraŭnictvam. Mała chto vieryć i ŭ toje, što novy sabor budzie zdolny pryciahnuć u Viciebsk vialikuju kolkaść turystaŭ, jak heta deklarujecca.

Viciebski pravaabaronca Leanid Śviecik napisaŭ list u Viciebski harsaviet, dzie prapanuje pravieści haradzki referendum, što da nieabchodnaści ŭzvodzić u abłasnym centry kopiju byłoha połackaha chrama. A vydatki na praviadzieńnie ŭskłaści na inicyjatara budaŭnictva, Viciebskuju eparchiju.

Na siońnia miesca budaŭnictva sabora abharodžana płotam, za jakim apynułasia ci nie pałova parka, u jakim, pavodle pieršapačatkovaha prajektu, da źniščeńnia asudžany 206 drevaŭ. Praŭda, bramy ŭ płocie ŭžo niama. Źnik i «Pašpart abjekta», jaki ŭžo byli paśpieli raźmiaścić na płocie.

Reakcyja Viciebskaj eparchii na prapanovy harvykankamu pakul nieviadomaja. Nie atrymali viciablanie i adkazu na svoj list da Alaksandra Łukašenki, u jakim prasili pakinuć park u spakoi i padumać pra metazhodnaść novaha saboru ŭvohule — u toj čas, kali ŭ Viciebsku nie budujucca abjekty, kudy bolš nieabchodnyja haradžanam.

• 0
• 0
• 0
• 0
• 0
• 0
• 0
• 0