Siońnia ŭ Łahojsku prajšoŭ fiestyval-kirmaš «Dažynki-2016», na jakim uznaharodžvali pieradavikoŭ sielskaj haspadarki pa Minskaj vobłaści.
Razdavać uznaharody staršynia Minabłvykankama Siamion Šapira pačaŭ a 9-j ranicy ŭ śpiecyjalnym šatry, kudy puścili tolki pradstaŭnikoŭ dziaržaŭnych ŚMI. Čakanaha parada miechanizataraŭ nie adbyłosia, zatoje byŭ uračysta adkryty novy budynak Łahojskaha ZAHSa.
Siarod haściej «Dažynak» byli zaŭvažanyja palityk Siarhiej Hajdukievič, kiraŭnik BATE Anatol Kapski, były sakratar CK KPB Anatol Małafiejeŭ, sumna viadomy hienierał-major milicyi Ihar Jaŭsiejeŭ.
Na centralnaj vulicy Łahojska raźmiaścilisia bahata azdoblenyja «padvorki», u jakich haściam prapanoŭvali krupnik, jušku, piečanych parasiataŭ i pirahi, a taksama pradavali razmaityja suvieniry z dreva i sałomki. Adusiul hučała muzyka ŭ vykanańni tvorčych kalektyvaŭ z roznych kutkoŭ Minščyny. Naviedvalniki, padbadzioranyja pačastunkam, nie saromielisia prytancoŭvać.
Kamientary