Prezident Vieniesueły Nikałas Madura byŭ raskrytykavany za rolu viadučaha radyjošou pad nazvaj «Hadzina salsy» (La Hora de la Salsa).
Reuters
Mnohija vieniesuelcy paličyli nieprystojnymi tancy prezidenta ŭ efiry, u toj čas jak ekanomika krainy znachodzicca ŭ žałasnym stanie, piša VVS.
Padčas dzionnaha šou, niekatoryja vypuski jakoha pakazvajuć i pa televizary, 53-hadovy Madura tančyć sa svajoj žonkaj, raskazvaje pra historyju salsy, a taksama prymaje zvanki i kamientuje palityčnyja padziei.
Pieradača vyklikała chvalu abureńnia.
AFP
«Heta jak arkiestr na «Tytaniku», — napisaŭ adzin z karystalnikaŭ padčas anłajn-tranślacyi vypusku ŭ fejsbuku.
«Prahrama Madury padobnaja da ździeku, — cytuje Rejter lidara apazicyi Vieniesueły Enrykie Kaprylesa. — Jon moh by trochi bolš pavažać vieniesuelski narod. Jon nie estradny artyst».
Vieniesueła pieražyvaje najciažejšy ekanamičny kryzis z-za padzieńnia cen na naftu. Inflacyja ŭ krainie vyličajecca sotniami adsotkaŭ, adbyvajucca rehularnyja adklučeńni vady i śviatła, nie chapaje praduktaŭ charčavańnia i lekaŭ.
Prezidencki termin Nikałasa Madura, byłoha kiroŭcy aŭtobusa i prafsajuznaha lidara, zakančvajecca ŭ 2019 hodzie.
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca5
Kamientary