Bietonna-mietaličnaja kanstrukcyja na budynku reaktara pieršaha enierhabłoka zakryje ŭsio patencyjna niebiaśpiečnaje abstalavańnie abjekta. Ničoha padobnaha nie było ni ŭ Čarnobyli, ni na Fukusimie, raspavioŭ načalnik adździeła infarmacyi i hramadskich suviaziaŭ BiełAES.

Mantaž kupała ŭnutranaj achoŭnaj abałonki reaktara. Fota adździeła infarmacyi i hramadskich suviaziaŭ BiełAES

Mantaž kupała ŭnutranaj achoŭnaj abałonki reaktara. Fota adździeła infarmacyi i hramadskich suviaziaŭ BiełAES

— Abałonka taŭščynioj 1,2 mietra stvarajecca ź bietonu i armatury. Plus da hetaha ŭsio pa kole ściskajecca stalovymi trasami. Atrymlivajecca sucelny hiermietyčny bietonna-mietaličny kokan, — patłumačyŭ načalnik adździeła infarmacyi i hramadskich suviaziaŭ BiełAES Eduard Śviryd.

Unutranaja achoŭnaja abałonka pavinna abaranić ad nastupstvaŭ mahčymaj avaryi abo niaštatnaj situacyi na stancyi — kanstrukcyja zatrymaje vychad radyjeaktyŭnych rečyvaŭ u navakolnaje asiarodździe.

Kali budaŭniki zavieršać pracy nad unutranaj achoŭnaj abałonkaj, pačnuć budavać i vonkavuju.

— Jana musić abaranić sam reaktar ad niepažadanych źniešnich uździejańniaŭ: vybuchu, urahanu, padzieńnia samalota, ziemlatrusu, — raspavioŭ pradstaŭnik BiełAES.

Na sumna viadomych AES u Čarnobyli i Fukusimie śpiecyjalnych achoŭnych zbudavańniaŭ nie było.

Da 10 vieraśnia na Biełaruskaj AES praviaduć stres-testy i daviedajucca, jak stancyja paviadzie siabie ŭ vypadku ziemlatrusu, zatapleńnia, anamalnych umoŭ nadvorja i inšych niaštatnych situacyj. Akramia rasijskaha «Atamprajekta», jaki vyjhraŭ tendar, na vyprabavańni abiacajuć zaprasić i jeŭrapiejcaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?