Alaksandr Łukašenka 30 śniežnia padpisaŭ zakon № 341 «Ab respublikanskim biudžecie na 2016 hod». Siońnia hety finansavy dakumient uklučany ŭ Nacyjanalny rejestr pravavych aktaŭ, adnak tekst jaho pakul nie apublikavany.

Taksama kiraŭnik dziaržavy padpisaŭ inšyja zakony ź biudžetnaha pakieta: «Ab biudžecie dziaržaŭnaha pazabiudžetnaha fondu sacyjalnaj abarony nasielnictva Respubliki Biełaruś na 2016 hod», «Ab biudžecie dziaržaŭnaha pazabiudžetnaha fondu hramadzianskaj avijacyi na 2016 hod», «Ab biudžecie dziaržaŭnaha pazabiudžetnaha fondu departamienta vykanańnia pakarańniaŭ Ministerstva ŭnutranych spraŭ Respubliki Biełaruś na 2016 hod», «Ab uniasieńni źmienaŭ i dapaŭnieńniaŭ u Biudžetny kodeks Respubliki Biełaruś», a taksama «Ab uniasieńni źmienaŭ i dapaŭnieńniaŭ u niekatoryja zakony Respubliki Biełaruś pa pytańniach pradprymalnickaj dziejnaści i padatkaabkładańnia».

Jak paviedamlaŭ raniej BiełaPAN, dachody respublikanskaha biudžetu na 2016 hod zapłanavanyja ŭ abjomie 180.590,2 młrd. rubloŭ. Heta bolš za čakanaje vykanańnie biudžetu 2015 hoda na 9,6%. Asnoŭnymi krynicami padatkovych pastupleńniaŭ źjaŭlajucca padatak na prybytak, akcyzy, padatkovyja dachody ad źniešnieekanamičnaj dziejnaści. Raschody sfarmiravanyja ŭ 163.417,9 młrd. rubloŭ, što vyšej za čakanaje vykanańnie biudžetu 2015 hoda na 6,9%. Biudžet sfarmiravany z praficytam u 17.172,4 młrd. rubloŭ. Na absłuhoŭvańnie dziaržaŭnaha doŭhu ź biudžetu ŭ 2016 hodzie płanujecca vydzielić bolš za 20 trłn. rubloŭ. U prajekt biudžetu zakładziena cana nafty ŭ 50 dołaraŭ za barel.

Prajekt respublikanskaha biudžetu byŭ pryniaty Pałataj pradstaŭnikoŭ u pieršym čytańni 17 śniežnia, u druhim — 18 śniežnia. U hety ž dzień viečaram zakonaprajekt uchvalili členy Savieta Respubliki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?