Zapuščany abnoŭleny sajt pra biełaruskija damiennyja zony
1 vieraśnia ŭ internecie staŭ dastupny abnoŭleny aficyjny sajt nacyjanalnych damiennych zon Biełarusi.by i.bieł — http://cctld.by. Abnaŭleńnie sajta ŭ značnaj stupieni pradyktavanaje źjaŭleńniem zony.bieł, rehistracyja damienaŭ u jakoj startavała 1 sakavika 2015 hoda.
Resurs maje šerah karysnych funkcyj, siarod jakich servis pravierki prynaležnaści damiennych imion u zonie.bieł, što atrymaŭ svaju nazvu ad anhlijskaha pytańnia «Who is?» («Chto?»).
Jak adznačajuć administratary resursu, servis Whois dazvalaje za niekalki siekund pravieryć status damiena.bieł i.by i źviazacca ź jaho ŭładalnikam. Kali damien zaniaty, to naviedvalnik sajta atrymaje źviestki pra rehistratara, uładalnika (uładalnik damiena — fizičnaja asoba ŭ adroźnieńnie ad jurydyčnaj moža ŭtaić svaje danyja) i stan damiena (daty stvareńnia, apošniaha abnaŭleńnia i zaviaršeńnia rehistracyi). Źviazacca z uładalnikam damiennaha imia niezaležna ad jaho typu možna ŭ tuju ž chvilinu: pry dapamozie zručnaj formy zvarotnaj suviazi na staroncy vynikaŭ pravierki.
Akramia hetaha, na sajcie pašyrany raździeł statystyki: zaraz možna daviedacca nie tolki infarmacyju ab kolkaści rehistracyj pa hadach, typu rehistrantaŭ i krainach. Servis taksama daje źviestki pra kolkaść rehistracyj damienaŭ.by i.bieł siońnia i ŭ peŭny miesiac, pra ahulny lik damienaŭ z pačatku rehistracyj. Tak, na momant zapusku sajta kolkaść damienaŭ.by pieravysiła 121 tysiaču, a damienaŭ.bieł — skłała bolš za 2,5 tysiačy rehistracyj.
Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie8
Kamientary