U skład inicyjatyŭnaj hrupy pa vyłučeńni kandydatam u prezidenty palitźniavolenaha Mikałaja Statkieviča ŭvajšło bolš za 1,5 tys. čałaviek, paviedamiła BiełaPAN žonka palityka Maryna Adamovič.
Pavodle jaje słoŭ, 14 lipienia ŭ Minsku adbyłosia ahulnaje pasiadžeńnie pradstaŭnikoŭ struktur, jakija ŭdzielničajuć u kampanii pa vyłučeńni Statkieviča. Na im pryniata rašeńnie ab padačy dakumientaŭ ab rehistracyi inicyjatyŭnaj hrupy ŭ Centrvybarkam 16 lipienia. Da hetaha dnia farmiravańnie hrupy budzie praciahnuta.
Adamovič adznačyła, što kožnaja sa struktur, jakija ŭvachodziać u arhkamitet pa vyłučeńni Statkieviča, zmahła pryciahnuć u skład inicyjatyŭnaj hrupy nie mienš jak 200 čałaviek.
Farmiravańnie inicyjatyŭnaj hrupy pa vyłučeńni Mikałaja Statkieviča kandydatam u prezidenty pačałosia 2 lipienia. U skład adzinaha arhkamiteta pa vyłučeńni Statkieviča ŭvajšli pradstaŭniki arhkamiteta Biełaruskaj sacyjał-demakratyčnaj partyi (Narodnaja Hramada), Biełaruskaha prafsajuza rabotnikaŭ radyjoelektronnaj pramysłovaści, Abjadnanaj hramadzianskaj partyi, arhkamiteta pa stvareńni partyi «Biełaruskaja chryścijanskaja demakratyja», zarehistravanaha ŭ Čechii abjadnańnia «Małady front», stvaranaha ruchu «Za dziaržaŭnaść i niezaležnaść Biełarusi», a taksama ruchu salidarnaści «Razam».
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca1
Kamientary