Upieršyniu ŭ historyi cełyja čatyry kamandy futbolnaha čempijanatu pišuć na majkach proźviščy pa-biełarusku FOTA
Letaś, na žal, nivodnaja z dvanaccaci kamand vyšejšaj lihi čempijanatu Biełarusi pa futbole nie abrała napisańnie na majkach proźvišč hulcoŭ na biełaruskaj movie. Zatoje sioleta adbyŭsia sapraŭdny praryŭ.
Pijanieram ža ŭ spravie biełarusizacyi spartovaj formie było žodzinskaje «Tarpieda», jakoje, praŭda, paśla niekalkich siezonaŭ było admoviłasia ad hetaj praktyki. Taksama biełaruskuju movu vykarystoŭvała bresckaje «Dynama» dva hady tamu.
Uhetym hodzie pierš za ŭsio tut chočacca źviarnuć uvahu na adzin z samych tytułavanych kłubaŭ krainy – minskaje «Dynama». Cikava, što jašče zusim niadaŭna były hienieralny dyrektar kłuba Siarhiej Paŭlukovič na pytańnie pra biełaruskamoŭnyja majki adkazaŭ: «Davajcie nie budziem pra palityku».
Novy hiendyrektar, były barec Alim Sielimaŭ ža biez vahańniaŭ pahadziŭsia na prapanovu zaŭziataraŭ. Na dadzieny momant, minskaje «Dynama» idzie na druhim miescy ŭ čempijanacie.
Takoje pačynańnie padtrymali i bresckija adnakłubniki «Dynama». Ciapier by palešukam jašče vyrašyć finansavyja ciažkaści.
Znoŭ biełaruskaja mova krasujecca na majkach žodzinskaha «Tarpieda». Pierad pačatkam siezona mieniedžar kłuba pa markietynhu Viktar Hłuško skazaŭ, što nivodzin futbalist kłuba nie vystupiŭ suprać taho, kab jaho proźvišča było napisana pa-biełarusku.
Nu i narešcie futbolny kłub «Homiel» taksama dałučyŭsia da hetaj pačesnaj kampanii. Varta adznačyć, što ŭ Homieli taksama pracuje biełmoŭny kanfieranśje na matčach, a taksama pa-biełarusku afarmlajucca afiški (toje samaje ŭ Babrujsku).
Biełaruskamoŭnyja viersii sajta majucca ŭ minskaha «Dynama» i mazyrskaj «Słavii».
Navat u barysaŭskim BATE sprava ź biełaruskaj movaj zrušyłasia ź miortvaj kropki. Na bližejšuju chatniuju hulniu BATE z bresckim «Dynama» kamanda zaprašaje barysaŭcaŭ na biełaruskaj movie.
Dzianis Mieljancoŭ i jaho reałpalityk: jon sapraŭdy pamianiaŭ pohlady ci prosta raniej maskiravaŭsia?47
Kamientary