Pamierła maci Łukašenki. Historyja žyćcia Kaciaryny Trafimaŭny

Aficyjny vizit Alaksandra Łukašenki ŭ Pakistan pieraniesieny na dva dni z pryčyny śmierci jaho maci.

«Naša Niva» ŭzhadvaje historyju žyćcia Kaciaryny Trafimaŭny Łukašenka.

Pavialičyć

Ukrainskija karani

Kaciaryna Łukašenka naradziłasia 1924 hodzie ŭ Aleksandryi Škłoŭskaha rajona. Hetuju viosku mnohija ličać i radzimaj jaje syna, kiraŭnika Biełarusi. Adnak, pavodle bijahrafii, Alaksandr Łukašenka naradziŭsia ŭ susiedniaj Kopysi (Viciebskaja vobłaść).

Rod Łukašenkaŭ idzie z terytoryi Ukrainy. Baćka Kaciaryny naradziŭsia i doŭhi čas žyŭ na chutary Panurka ŭ Sumskaj vobłaści. Paśla kalektyvizacyi los raskidaŭ Łukašenkaŭ pa ŭsim śviecie, svajaki kiraŭnika Biełarusi žyvuć navat u ZŠA.

U aŭtabijahrafii Kaciaryny Łukašenki paznačana, što jana vyrasła ŭ šmatdzietnaj siamji z šaściu dziećmi. Baćka pamior, kali joj było 15 hadoŭ, u 1939 hodzie, maci — u 1955.

Pracavała na čyhuncy, ilnokambinacie i ŭ kałhasie

Usia adukacyja maci Łukašenki — čatyry kłasy aleksandryjskaj škoły. U 1944—1949 jana pracavała na čyhuncy, a paśla ŭładkavałasia stužačnicaj na kanviejer Aršanskaha lnokambinata.

Paśla naradžeńnia syna Kaciaryna Łukašenka viarnułasia ŭ Aleksandryju nie adrazu, a tolki praz try hady.

U baćkavaj chacie žyli Kaciaryna z synam, jaje siastra Hanna ź siamjoj, a taksama syn treciaj siastry, Vasil (jaho maci źjechała ŭzdymać calinu).

U miascovym kałhasie jana pracavała dajarkaj. Kančatkova syšła z pracy ŭ 1983 hodzie.

Dakładnych źviestak pra baćku kiraŭnika Biełarusi niama.

Adno dzicia, troje ŭnukaŭ, siem praŭnukaŭ

Alaksandr Łukašenka — adzinaje dzicia Kaciaryny Trafimaŭny. Zatoje ŭnukaŭ i praŭnukaŭ u jaje bahata.

U starejšaha ŭnuka, Viktara Łukašenki hadujecca čaćviora dziaciej — Viktoryja, Alaksandr, Valeryja i Jarasłaŭ.

U siaredniaha Dźmitryja try dački — Nastaśsia, Darja i Alaksandra.

Narešcie, jość jašče i małodšy ŭnuk — Mikałaj Łukašenka.

Niepatrebny dom na Pieramožcaŭ

Paśla abrańnia syna na pasadu kiraŭnika krainy Kaciaryna Łukašenka zastałasia žyć u Aleksandryi. Sa staroj baćkoŭskaj chaty jana pierajechała ŭ novuju. U stalicu jaje zabrali ŭ 2000 hodzie. A dom Łukašenkaŭ uziała na bałans dziaržava, ciapier jon aficyjna ličycca rezidencyjaj kiraŭnika dziaržavy.

U stalicy dla maci Alaksandra Łukašenki zahadzia byŭ pabudavany dom u kancy praśpiekta Pieramožcaŭ. Tady heta była ŭskraina horada, ciapier budynak apynuŭsia na hary kala paloŭ futbolnaha manieža.

Adnak pavodle słovaŭ žycharoŭ susiednich šmatpaviarchovikaŭ, dom dla maci Łukašenki tak i zastaŭsia pustym. Jaje pasialili ŭ inšym miescy.

• 2
• 0
• 0
• 2
• 3
• 1
• 7
• 0