Aficyjny vizit Alaksandra Łukašenki ŭ Pakistan pieranosicca na dva dni z pryčyny śmierci jaho maci Kaciaryny Trafimaŭny.
Pra heta siońnia na telekanale «Biełaruś-1» zajaviła pres-sakratar kiraŭnika dziaržavy Natalla Ejsmant, paviedamlaje BIEŁTA.
«Vizit kiraŭnika dziaržavy ŭ Pakistan pieranosicca. Jak płanujecca, jon adbudziecca 28—29 maja.
Pryčynaj pieranosu stała śmierć maci Alaksandra Łukašenki», — zajaviła pres-sakratar.
«Što tyčycca vizitu, to jaho farmat zastajecca niaźmiennym. Vizit Alaksandra Łukašenki ŭ Pakistan stanie zaklučnym etapam praviedzienaj vialikaj pracy», — adznačyła Natalla Ejsmant.
«My viedajem, što prezidenta Biełarusi ŭ Pakistanie vielmi čakajuć, i my ŭdziačnyja prymajučamu boku za razumieńnie i mahčymaść pieranieści namiečanyja pieramovy na bolš poźni termin», — dadała pres-sakratar.
Aficyjny vizit kiraŭnika biełaruskaj dziaržavy ŭ Pakistan mieŭ prajści 26—27 maja.
U žniŭni 2013 h. Tut.by naviedaŭ Aleksandryju — radzimu A. Łukašenki i pahutaryŭ ź Zinaidaj Rybakovaj — blizkaj siabroŭkaj Kaciaryny Trafimaŭny:
«Jana [Kaciaryna Trafimaŭna] chvoraja — raspaviała žančyna. — Letaś jon pryvoziŭ jaje. Achoŭniki pa mianie trojčy pryjazdžali, kab da jaje advieźci. A ja sama chvareła, na treci raz tolki pajechała. Nu, pasiadzieli ź joj, papłakali za svajo. U chacie ŭ jaje. Jana mnie kaža: chto zajzdrościć majmu žyćciu, kab joj takoje. Ja nie chaču ničoha, ja chaču ŭ viosku», — kazała Trafimaŭna.
Sp. Rybakova dadała, što Kaciaryna Trafimaŭna adnojčy klikała jaje ŭ hości ŭ Minsk: «Pryjazdžaj, kazała, da mianie — pabudź, kolki chočaš. A ja kažu: ty ž, Trafimaŭna, da mianie pryjazdžaj, budziem na piečy b siadzieć, bulbu varyć i jeści…».
Pamiatajecie pravakatara i danosčyka Jaŭhiena Kakojta? Jon ciapier taksama palitviazień13
Kamientary