U tralejbusnym parku znajšli bujny tajnik ź psichatropami
Na terytoryi tralejbusnaha parka pa vulicy Charkaŭskaj u Minsku ŭ tajniku znojdzienaja i kanfiskavanaja spartyŭnaja sumka z zabaronienymi rečyvami.
![](http://d3kcf2pe5t7rrb.cloudfront.net/img/w732d4webp1/photos/z_2015_02/sumka0401.jpg.webp)
U sumcy było paraškapadobnaje rečyva masaj bolš za 1 kh, kala 600 h rečyva raślinnaha pachodžańnia, jakoje maje ŭ svaim składzie psichatrop — raznavidnaść spajsaŭ. Taksama ŭ joj znachodzilisia dźvie pary elektronnych vahaŭ, srodki indyvidualnaj abarony, upakovačnyja i fasovačnyja materyjały, paviedamlaje pres-słužba HUUS Minharvykankama.
![](http://d3kcf2pe5t7rrb.cloudfront.net/img/w732d4webp1/photos/z_2015_02/sumka04012.jpg.webp)
Ustanoŭlena, što kanfiskavanyja rečyvy naležać adnoj ź internet-kramaŭ, praź jakija pradajuć narkatyčnyja srodki na terytoryi Minska. U ciapierašni čas pravodzicca kompleks mierapryjemstvaŭ pa vyjaŭleńni asoby padazravanaha. Pryznačany šerah ekśpiertyz u śfiery vysokich technałohij.
Raspačataja kryminalnaja sprava pa častcy 3 artykuła 328 («Niezakonny abarot narkatyčnych srodkaŭ, psichatropnych rečyvaŭ i ich prekursoraŭ»).
Kamientary