Staršynia Biełaruskaj partyi levych «Spraviadlivy śviet» Siarhiej Kalakin miarkuje, što Rasija nie zacikaŭlena ŭ inkarparacyi Biełarusi.
Takuju dumku jon vykazaŭ na pres-kanfierencyi pa vynikach mižnarodnaj kanfierencyi suprać usich form fašyzmu, nacyjanalizmu i dyskryminacyi, jakaja prajšła 5—6 lipienia ŭ Minsku.
Pavodle jaho słoŭ, Rasija chutčej zacikaŭlena ŭ «łajalnaj, družalubnaj Biełarusi, za što hatova navat płacić».
Kalakin zaznačyŭ, što siońnia Rasija i tak daminuje na prastory Biełarusi. «Rasija vydzialaje hihanckija prefierencyi i finansavuju dapamohu, za košt jakich u Biełarusi zachoŭvajecca dastatkova vysoki ŭzrovień sacyjalnaha dabrabytu. Rasija siońnia akazvaje surjozny ŭpłyŭ na rašeńni, što prymajucca kiraŭnictvam Biełarusi, tamu joj niama patreby ŭzvalvać na siabie adkaznaść za ŭsio nasielnictva Biełarusi, kab prymać dziejańni, anałahičnyja aneksii Kryma», — skazaŭ lidar partyi «Spraviadlivy śviet».
Kiraŭnik mižnarodnaha kiraŭnictva partyi «Spraviadlivaja Rasija» Barys Husialetaŭ nie staŭ rabić prahnozaŭ nakont taho, ci hatovaja Rasija ŭ vypadku svajoj vyhady bačyć u Biełarusi nie siabra, a voraha. Jon vykazaŭ nadzieju, što z časam mienavita Rasija stanie łakamatyvam demakratyzacyi na postsavieckaj prastory.
«Siońnia my bačym peŭnyja prablemy ŭ Rasii. Jany źviazanyja z tym, što ŭnutrypalityčnaja situacyja ŭ k rainie nie zaŭsiody pryvabnaja dla peŭnych słajoŭ nasielnictva, naprykład, moładzi, jakaja bolš aryjentavanaja na Zachad. Spadziajusia, što ŭ Rasii buduć źmianieńni ŭ bok demakratyzacyi», — skazaŭ Husialetaŭ.
«Łukašenka pieršym adčuje katastrofu Pucina» — Śviatłana Aleksijevič u vialikaj hutarcy TOK11
Kamientary