Pucinu 60 hadoŭ, jahonaj žoncy 55. U šlubie jany pražyli 30 hadoŭ i vyhadavali dźvie dački, jakim užo za 20.
Pucin ź Ludmiłaj Pucinaj u čaćvier viečaram pabyvali na balecie «Eśmieralda» u Dziaržaŭnym Kramloŭskim pałacy. Paśla baleta jany dali intervju karespandentcy telekanała «Rasija 24». Vidavočna, heta była chatniaja zahatoŭka.
Karespandentka padyšła da pary i zapytałasia pra toje, ci praŭda, što jany bolš nie žyvuć razam.
«Tak, možna skazać, heta cyvilizavany razvod», — skazała Ludmiła Pucina z draŭlanym vyrazam tvaru, ale starajučysia zachavać hodnaść.
Uładzimir Pucin, u svaju čarhu, zajaviŭ, što heta «supolnaje rašeńnie».
«Ja dałučajusia da słoŭ Uładzimira Uładzimiraviča, heta sapraŭdy było našym supolnym rašeńniem», — paćvierdziła Ludmiła Pucina.
Prezident Rasii patłumačyŭ razvod z žonkaj Ludmiłaj tym, što nie ŭsie hatovyja da vysokaj stupieni publičnaści, jakuju praduhledžvaje rola žonki palityka takoha ŭzroŭniu. «Usia maja dziejnaść, usia maja praca źviazana z publičnaściu, z absalutnaj publičnaściu. Kamuści heta padabajecca, kamuści nie, ale jość ludzi, jakija całkam z hetym niesumiaščalnyja», — zajaviŭ Pucin, adkazvajučy na pytańnie žurnalista.
«Ludmiła Alaksandraŭna adstajała hetuju vachtu, 8 hadoŭ, užo dzieviać», — skazaŭ Pucin.
«Kožny z nas žyvie svaim žyćciom», šlub vyčarpaŭ siabie, my praktyčna nie bačymsia, — skazała Ludmiła Pucina.I paćvierdziła, što nie lubić pieralotaŭ, nie lubić publičnaści.
Pucin adznačyŭ, što ich dzieci vyraśli, vučylisia i žyvuć u Rasii. Ludmiła Pucina, u svaju čarhu, padziakavała jamu za kłopat pra dziaciej.
Kali hałoŭnaje było pramoŭlena, Puciny stali vyhladać trochi bolš raźniavolena.
Dzianis Mieljancoŭ i jaho reałpalityk: jon sapraŭdy pamianiaŭ pohlady ci prosta raniej maskiravaŭsia?47
Kamientary