Rasiejcy pryjazdžajuć apošnimi

Pasiedžańnie premjeraŭ aficyjna adbudziecca 31 maja, ale faktyčna, na dumku vykanaŭčaha sakratara Sadružnaści Uładzimira Harkuna, samit pačaŭsia siońnia.

Bolšaja častka ŭdzielnikaŭ sustrečy ŭžo ŭ Miensku, a kiraŭniki niekatorych delehacyjaŭ pravodziaćdvuchbakovyja pieramovy.

Uładzimier Harkun na prośbu «Svabody» pryvioŭ raskładku kiraŭnikoŭ delehacyjaŭ pavodle pasadaŭ. Na samicie buduć šeść premjeraŭ, u tym liku rasiejski, ukrainski, kazachstanski, dva pieršyja namieśniki premjeraŭ i dva — namieśniki. A voś Małdova abmiežavała svajo pradstaŭnictva ranham vice-ministra zamiežnych spraŭ i eŭrapiejskaj intehracyi. Adnačasova z samitam u Miensku projdzie i Forum dziełavych ludziej SND.

Navat sustreča biznesoŭcaŭ nia ŭzdymie cikavaści da SND, — upeŭnieny ekanamist Leŭ Marholin: «Toje, što, prynamsi ad Biełarusi, tut buduć prysutničać prydvornyja pradprymalniki ci tyja, kaho tudy nakirujuć pa raznaradcy, — heta adnaznačna.

Dakumenty, jakija padpisvajucca ŭ ramkach SND, pieratvarylisia ŭ takuju zvyčku, jakuju treba padpisać štohod. Pra sapraŭdnaje staŭleńnie da SND śviedčyć toj fakt, što Małdovu na samicie pradstaŭlaje tolki namieśnik ministra. Heta, ja liču, sumlennaja pazycyja. Dyj pradstaŭnictva vice-premjeraŭ šmat pra što kaža. SND — takaja reč, jakuju i nieści ciažka, i kinuć škada. Voś tamu i doŭžycca heta ŭsio z hodu ŭ hod».

Z kim budzie sustrakacca na dvuchbakovym roŭni kiraŭnik biełaruskaha ŭradu Michaił Miaśnikovič? Vykanaŭčy sakratar SND na hetaje pytańnie adkazaŭ tak: «Ja nia dumaju, što ja vydam niejkija sakrety. Ja viedaju, što buduć dvuchbakovyja sustrečy našaha premjera z kiraŭnikami delehacyjaŭ Ukrainy, Tadžykistanu, Armenii i, biezumoŭna, Rasiejskaj Federacyi».

Darečy, samalot ź Dźmitryjem Miadźviedzievym prylataje ŭ Miensk zaŭtra apošnim. Mahčyma, pryčyna tut abjektyŭnaja — raskład palotaŭ, — zaŭvažaje palitolah Aleś Łahviniec:

«Ale inšaja reč — zvykłyja pavodziny rasiejskich kiraŭnikoŭ: spaźniacca. Asabliva kali sprava idzie ab krainach SND. Viadomyja zaciažnyja spaźnieńni Pucina na sustrečy z pradstaŭnikami SND. Tamu na heta možna hladzieć i ŭ rečyščy ahulnaj kultury rasiejskaj dyplamatyi, rasiejskich kiraŭnikoŭ.

I jašče adno pytańnie: nakolki SND važnaja dla Rasiei? Mnie padajecca, što dla Rasiei Sadružnaść tak ci inakš zastajecca važnaj. Nichto pa sutnaści i nie asprečvaje ŭpłyŭ i rolu Rasiei ŭnutry SND. Tamu, kali heta ŭsio skłaści, to i atrymlivajecca, što rasiejcy pryjaždžajuć apošnimi».

Upieršyniu mienski samit projdzie ŭ piacizorkavym «Prezydent-hateli», pabudavanym na miescy źniesienaj savieckaj haścinicy «Kastryčnickaja», nasuprać rezydencyi Łukašenki. Kožnamu kiraŭniku delehacyi adviedzienyja trochpakajovyja apartamenty ahulnaj płoščaj 140 kvadratnych metraŭ.

Charčavacca vysokapastaŭlenyja čynoŭniki buduć u restaracyi «premijum-klasy», na samym viersie budynka. Padymacca tudy jany buduć na admysłovym lifcie dla VIP-personaŭ.

• 0
• 0
• 0
• 0
• 0
• 0