Načalnik adździeła pa spravach moładzi Bresckaha harvykankama Taćciana Baryščyk padała ŭ sud na lidara hurta «Daj darohu!» Juryja Stylskaha. Čynoŭnica śćviardžaje, što muzykant źniavažyŭ jaje honar i hodnaść. Muzykant tłumačyć: mienavita hetaja asoba maje dačynieńnie da zabaronaŭ kancertu hurtu.

Vyhladała, što kanflikt pamiž bresckim hurtom «Daj Darohu!» i načalnikam adździeła pa spravach moładzi harvykankama Taćcianaj Baryščyk znoŭ pierajšoŭ u łatentnuju fazu. Paśla šerahu admienaŭ, kamanda Jury Stylskaha ŭrešcie dała całkam lehalny kancert u miascovym klubie «Śfiera». Ale akazałasia, što pakryŭdžanaja publičnymi vykazvańniami Stylskaha čynoŭnica sudzicca z muzykam.

Usio pačałosia z admienienaha ŭ Breście kancerta «DD!». Administracyja kłuba dała zrazumieć, što dziejničaje nie zusim pa svajoj voli, i tamu muzyki pryčyny admieny łahična pačali šukać vyšej. Ale nie tolki hetaja daŭniaja historyja prymušała «DD!» bačyć pryčynu admieny kancerta ŭ nazvanych asobach. Hurt dakładna viedaŭ, što harvykankam nie vielmi žadaŭ jaho bačyć na fiestyvali Men's Fest, dzie toj byŭ chedłajnieram.

Viadoma, što prajšli try sudovyja pasiadžeńni z hetaj nahody, ale vyrak sud pakul nie vynies. Muzykanty da zakančeńnia pracesu vyrašyli nie davać anijakich kamentaroŭ z hetaj nahody.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?