Чаму шведы ядуць цукерак па кілаграме на сям’ю ў тыдзень, а зубы ў іх адны з найлепшых у Еўропе
«Я штосуботы купляю па сем розных відаў цукерак», — хваліцца шведскі хлопчык у краме падчас традыцыйнага Лардагсгодзіса. Што гэта за традыцыя такая і чаму дзякуючы ёй у Швецыі дзеці маюць адны з найздаравейшых зубоў у Еўропе, разбіралася BBC.
Дарослыя шведы, колькі сябе помняць, ходзяць у суботу па цукеркі. І сваіх дзяцей з самага дзяцінства прывучваюць так рабіць.
«Па-першае, гэта вельмі карысна для зубоў», — лічыць Рычард Тэльстром, спецыяліст у гісторыі ежы. Калі чалавек есць цукеркі штодня і пастаянна, у яго роце ўвесь час спрыяльнае асяроддзе для бактэрый, і адпаведна, зубы псуюцца хутчэй.
Калі ж ласавацца салодкім адзін раз на тыдзень, хай сабе і ў вялікіх колькасцях, і пасля гэтага пачысціць зубы — шкоды будзе нашмат меней.
Бацькам такая завядзёнка вельмі дапамагае, калі дзеці просяць цукеркі ў працоўны дзень. Аргумент «не, бо сёння ж не субота» тут спрацоўвае.
Па-другое, паход па цукеркі ўсёй сям’ёй — гэта цэлая падзея. Вялікая частка радасці Лардагсгодзіса (а па-шведску гэта значыць «суботнія цукеркі») звязаная не з самім паяданнем салодкага, а з прадчуваннем, з абмеркаваннем, у якую краму сям’я пойдзе.
«Я цэлы тыдзень думаю, якую цукерку куплю ў суботу», — кажа дзяўчынка з поўным пакетам славутых шведскіх слодычаў — рознакаляровых мармеладзінак, дражэ, лядзяшыкаў і гарэшкаў у глазуры.
Гісторыя нараджэння гэтай традыцыі, пры гэтым, не такая мілая.
Усё пачалося пасля Другой Сусветнай вайны, калі ўлады Швецыі эксперыментавалі над пацыентамі псіхіятрычных клінік. Яны хацелі высветліць, ці сапраўды салодкае псуе зубы, і кармілі пацыентаў салодкім штодня.
Калі ж сувязь паміж вялікай колькасцю цукру і карыесам пацвердзілася, улады пачалі рэкамендаваць жыхарам есці менш салодкага і прапанавалі купляць цукеркі толькі раз на тыдзень.
8 прыкмет, што ваш храп можа быць небяспечны
Колькі трэба спаць, каб зберагчы мозг ад дэменцыі
Ці стала прасцей запісацца на польскую візу пасля ўвядзення фотаверыфікацыі? Досвед чытачоў5
Каментары