Аўдыявыдавецтва audiobooks.by і Незалежная тэатральная група «Купалаўцы» адкрылі збор на стварэнне аўдыяверсіі кнігі Максіма Знака «Зэкамерон».
«Зэкамерон. Вершы. Гутаркі» — гэта апошняе дапоўненае выданне кнігі палітвязня і адваката Максіма Знака на беларускай мове (выдавецтва «Полацкія лабірынты»).
Тэксты гэтага зборніка ствараліся ў першы год утрымання Максіма Знака ў СІЗА, калі творчая дзейнасць за кратамі і перадача рукапісаў яшчэ былі магчымыя. Частка твораў у апошнім выданні была апублікаваная ўпершыню.
Праект стварэння аўдыяверсіі апошняга выдання кнігі па-беларуску — гэта супольная праца аўдыявыдавецтва audiobooks.by і Незалежнай тэатральнай групы «Купалаўцы».
Сёлета акторы Сяргей Чуб і Алег Гарбуз разам з музыкам Уладзімірам Пугачам і рэжысёрам Войтэкам Урбаньскім прэзентавалі спектакль паводле кнігі палітвязня Максіма Знака.
Кнігу Знака агучаць як аўдыяспектакль, галасамі беларускіх акцёраў і актрыс з легендарнай тэатральнай трупы нацыянальнага Купалаўскага тэатра.
Для гэтага плануюць сабраць 4500 еўра. Сабраныя сродкі пойдуць на запіс, мантаж, музычнае аздабленне. Аўдыязапіс будзе выкладзены на ўсіх буйных платформах у бясплатным доступе.
Падтрымаць збор можна на платформе gronka.org па спасылцы.
Былы афіцэр, выжыў у страшным баі. Хто той каліновец Верамейчык, якога В’етнам аддаў беларускаму КДБ?32
Каментары