Хуткі варыянт выехаць у ЕС. Колькі бяруць за перавозку праз мяжу на аўто і матацыклах
Праз увядзенне суседнімі краінамі ЕС новых абмежаванняў трапіць з Беларусі ў Еўрасаюз становіцца ўсё складаней. Апошнім часам набірае папулярнасць перасячэнне мяжы на спадарожным транспарце. Пацікавіліся, колькі каштуе стаць пасажырам.
Рэкордныя чэргі
Чэргі на мяжы з Польшчай б'юць рэкорды: упершыню выезду з Беларусі чакаюць больш за 100 аўтобусаў. Чарга з легкавікоў у апошнія дні стабільна складае каля 500 машын.
На літоўскім кірунку чэргаў з аўтобусаў няма, але квіткоў не дакупіцца, бо па ініцыятыве літоўскага боку значна скарацілася колькасць рэйсаў. Бліжэйшыя квіткі з Мінска цяпер прадаюцца з выездам на 3 верасня, а з Гродна — аж на 5 верасня.
Чэргі з легкавікоў прыкметна паменшалі пасля таго, як Літва забараніла заязджаць у краіну аўтамабілям з беларускімі нумарамі, апроч выпадкаў, калі ўласнік аўто мае візу або ДНЖ, выдадзеныя менавіта Літвой.
Усё гэта спрыяе развіццю бізнэсу па перавозцы людзей праз мяжу прыватным транспартам, у тым ліку на матацыклах.
У адмысловых чатах з'яўляецца ўсё больш запытаў на тое, каб знайсці чалавека, гатовага перавезці праз мяжу. Натуральна, не за бясплатна, а калі ёсць попыт, то ўзнікае і прапанова.
Ад 50 еўра за пераезд праз мяжу
За перавозку праз мяжу на скутары або матацыкле бяруць па 50 еўра. І, мяркуючы па колькасці запытаў, такая паслуга карыстаецца попытам.
Аналізуючы прапановы, можна зразумець, што для некаторых жыхароў прыгранічча такія «падарожжы» пастаўленыя на паток. І гэта не дзіўна, бо за адну паездку праз мяжу туды-назад чалавек можа атрымаць 100 еўра.
Адметна, што, мяркуючы па правапісе і выкарыстанні лацінскіх літар для напісання па-руску, займаюцца гэтым у тым ліку грамадзяне Літвы, якія могуць ездзіць у Беларусь без візы.
Дабрацца з Ашмян або з самай мяжы да Вільні машынай каштуе 70 еўра з чалавека. Гэта больш, чым цана білета на аўтобус (білет каштуе 160 рублёў, гэта каля 45 еўра). Але з улікам дэфіцыту квіткоў такія прапановы карыстаюцца попытам.
Даехаць з Мінска ў Вільню можна за 100 еўра з чалавека. За такія грошы нават абяцаюць праезд без чаргі.
На польскім кірунку цэны крыху ніжэйшыя. Стаўка на перавозку чалавека праз мяжу пачынаецца з 30 даляраў.
За 150 еўра некаторыя гатовыя ўзяць сабе ў аўто да 3 дарослых і адно дзіця. За паездку па маршруце Брэст-Варшава просяць 250 еўра.
Вышэйзгаданыя цэны, меркавана, тычацца тых людзей, для каго перавозка людзей праз мяжу не жэст добрай волі або выпадковая падпрацоўка, а сапраўдны бізнэс.
Людзі, якія часцяком размяшчаюць аб'явы аб наборы спадарожнікаў, як правіла называюць аднолькавыя цэны. Але калі пашчасціць, то можна знайсці гатовых перавезці вас праз мяжу па больш нізкіх цэнах. Самае таннае, што даводзілася пачуць у адказ, — 30 еўра за Літву і 60 еўра з Варшавы ў Мінск.
Гродна стаіць на вушах пасля прызнання папулярнага гарадскога сайта «экстрэмісцкім». Але на гэтым не скончылася31
Каментары