Свет

Байдэн звярнуўся да нацыі ў сувязі з замахам на Трампа

Джо Байдэн выступіў са зваротам да амерыканскага народа ў сувязі са спробай замаху на былога кіраўніка Белага дома і кандыдата ў прэзідэнты ЗША ад рэспубліканцаў Дональда Трампа. У заяве, якую прэзідэнт запісаў у Авальным кабінеце, ён заклікаў амерыканцаў адмовіцца ад гвалту ў палітыцы.

Джо Байдэн выступіў са зваротам да амерыканскага народа ў сувязі са спробай замаху на Дональда Трампа. Фота: Pool / Getty Images

«Нам трэба знізіць тэмпературу ў нашай палітыцы, — заявіў Байдэн. — Нельга дазволіць, каб такі гвалт стаў нормай. Палітычная рыторыка ў нашай краіне стала вельмі гарачай. Пара яе астудзіць. Зрабіць гэта — адказнасць усіх нас». 

Байдэн сказаў, што палітыка павінна быць «арэнай мірных дэбатаў» і гвалт ніколі не можа быць адказам. 

Прэзідэнт пажадаў Трампу хутчэйшага выздараўлення і назваў героем 50-гадовага Коры Камператары, які быў забіты ў часе мітынгу Трампа, калі прыкрываў ад куль членаў сваёй сямʼі. 

«Стральба ў Трамп стала сігналам для ўсіх нас зрабіць крок назад» — сказаў Байдэн. 

«У Амерыцы мы вырашаем нашыя рознагалоссі на выбарчых участках. Вось як мы гэта робім. З дапамогай урнаў для галасавання. Не з дапамогай куль», — дадаў Байдэн падчас прамовы, якая доўжылася каля сямі хвілін і транслявалася найбуйнейшымі агульнанацыянальнымі тэлеканаламі.

Гэты выступ з Авальнай кабінета са зваротам па пытаннях, якія маюць вялікае значэнне для амерыканцаў, стаў трэцім для Байдэна з таго часу, як ён прыйшоў да ўлады ў 2021 годзе, піша «Голас Амерыкі». 

Раней у нядзелю Байдэн загадаў правесці праверку федэральнай бяспекі пасля таго, як Дональд Трамп быў паранены, а яго прыхільнік загінуў на палітычным мітынгу ў Пенсільваніі. 

Стралок здолеў абысці агентаў Сакрэтнай службы, якія адказваюць за ахову Трампа, падняўся на дах будынка побач з месцам выступу кандыдата і зрабіў некалькі стрэлаў, перш чым быў забіты супрацоўнікамі праваахоўных органаў. 

Выступаючы ў Белым доме, Байдэн сказаў, што даручыў Сакрэтнай службе перагледзець усе меры бяспекі, прынятыя для Рэспубліканскага нацыянальнага канвента, які пройдзе ў Мілуокі на гэтым тыдні, і дзе Трамп будзе афіцыйна вылучаны кандыдатам у прэзідэнты ад Рэспубліканскай партыі. 

Перадвыбарчы штаб Байдэна прыбраў усю палітычную рэкламу, якая крытыкуе Трампа.

Байдэн распавёў, што ў яго была кароткая, але добрая размова з Трампам у суботу ўвечары, і што ён «шчыра ўдзячны, што [Трамп] адчувае сябе добра і аднаўляецца».

«У Амерыцы няма месца для такога кшталту гвалту ці любога гвалту ўвогуле. Спроба забойства супярэчыць усяму, за што мы стаім… як нацыя — усяму», — дадаў ён.

Каментары

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

У Мінску проста на дарозе загарэўся трактар з прычэпам2

Аляксандр Лукашук: Аднойчы мяне прадставілі ў эфіры: «На сувязі з намі Аляксандр Лукашэнка». Мая мама плакала10

Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі3

EPAM і Wargaming заплацілі самыя вялікія падаткі сярод усіх літоўскіх IT-кампаній10

Спецпрадстаўнік ЗША: Санкцыі супраць Расіі працуюць «на 3 балы з 10», іх можна ўзмацніць14

Беларускую добраахвотніцу Марыю Зайцаву пахавалі на могілках у Кіеве ФОТА3

Ва Уруччы пабудуюць чатыры шматпавярховікі4

Мілы сабака на запраўцы, што радуецца любому чалавеку, скарае сацсеткі18

ЗВР Беларусі дасягнулі 9 мільярдаў даляраў7

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць