Грамадства1616

«Старшыня проста білася галавой аб стол. Пасля нам раздалі канверты з грашыма». Настаўніца была ў выбарчай камісіі ў 2020-м — і вось што пабачыла

Былая настаўніца біялогіі сярэдняй школы № 51 Мінска Аксана Дзікавіцкая на прэзідэнцкіх выбарах 2020 года ўваходзіла ў склад выбарчай камісіі. Яна расказала ютуб-каналу «ЧастнОK-LIVE» пра тое, як фальсіфікаваліся выбары.

Як лічылі галасы і падпісвалі пратаколы

Аксана згадвае, як у 2020-м падлічвалі галасы. Па тых бюлетэнях, што прайшлі праз яе, суадносіны галасоў за Ціханоўскую і за Лукашэнку былі 80 да 20.

«Я гэта запісваю. Потым мы аддаём гэта чалавеку, які пералічвае нашы паперкі. (…) Нам выдаюць зусім іншы вынік», — згадвае жанчына.

Аксана не бачыла, як складаліся пратаколы. Яе хвалявала тое, што яна не магла дазваніцца да сына. А калі дазванілася, то пачула, акрамя голасу сына, выстралы.

«Я не бачыла, што там рабілі, як запісвалі пратаколы. У мяне была мэта хутчэй пайсці. Мне трэба было забраць сына з цэнтра. Мае сыны яшчэ заканчваюць школу. У мяне была паніка.

У гэты час нам прыносяць пратаколы. І ў нас шок. (…) Першапачаткова падпісала толькі два ці тры чалавека. (…) І старшыня камісіі падымае людзей і кажа «пералічвайце».

Па словах жанчыны, для пераліку быў прапанаваны толькі адзін стос з бюлетэнямі для галасавання. Усяго такіх стосаў было шмат.

«Яны ўсе перавязваюцца, пламбіруюцца. Там сур'ёзная ідзе работа. Усё завязваецца. Ніхто адтуль нічога не можа дастаць. Гэта ўсё звозіцца ва ўпраўленне адукацыі.

І гэты адзін стос разразаецца, выкідваецца на стол. Дзе сапраўды было за Лукашэнку. Яны проста ўзялі тое, дзе галасавалі за Лукашэнку», — тлумачыць Аксана.

Аднак члены камісіі адмовіліся падпісваць і пасля гэтага. Як згадвае жанчына, у старшыні камісіі пачалася паніка.

«У старшыні камісіі, нашага дырэктара [школы] дзіця-інвалід. Яна сядзела, калі мы не падпісвалі дакументы, і проста білася галавой аб стол. Яна не ведала што рабіць. Ёй звоняць. Я чую, што яна кажа, што ў яе не падпісана, што яна яшчэ не можа везці ў аддзел адукацыі пратаколы».

Але ў выніку, пасля некалькіх гадзін чакання, пратаколы былі падпісаны.

Сама Аксана паставіла свой подпіс пасля таго, як даведалася, што ўжо абвешчаны вынікі галасавання: «Ужо ўсё роўна. Мне проста пазванілі. З тэлебачання адзін харошы таварыш сказаў: «Аксана, зразумей адну рэч. Я таксама тут. Я таксама сябе ненавіджу. Мы таксама цяпер гэта абвяшчаем па тэлевізары. Ну ўжо ўсё абвешчана. Ад таго, падпісалі вы ці не, нічога не мяняецца».

Аксана Дзікавіцкая Диковитская Оксана Oksana Dikavitskaya
Аксана Дзікавіцкая. Скрын відэа: chestnok_live / YouTube

Што было пасля выбараў

Пасля выбараў члены камісіі патрапілі дахаты дзесьці апоўначы.

«Нас вывозілі пад АМАПам. (…) У адзін момант нас усіх выгружаюць [са школы] у аўтобус. Людзі скандзіруюць. Аўтобус проста хістаецца. Я стаю, у мяне цякуць слёзы. Стаіць нейкі мент і кажа: «Чаго ты равеш?» Я кажу: «Сорамна. Вы разумееце, што адбываецца? Гэта ж так сорамна». Ён пачынае смяяцца».

Аксана сцвярджае, што члены выбарчай камісіі атрымалі «вялікую суму грошай»:

«У адзін момант нас паклікалі і раздалі канверты. Там апынулася такая сума… Я была ў шоку», — згадвае жанчына і дадае, што атрыманая сума была эквівалентная прыкладна 200 далярам. Пазней гэтыя грошы яна пералічыла ў некалькі фондаў.

Жанчына сцвярджае, што яе калегі, якія былі членамі выбарчай камісіі, спакойна аднесліся да таго, што ўдзельнічалі ў фальсіфікацыі.

«Жыццё працягваецца. Усе працуюць. Усё добра. Я ў некаторых пыталася, як так можна. Адказ: «Што тут такога. У любым выпадку нічога не памяняецца. У любым выпадку гэта павінна было быць. А ты што, чакала іншага выніку?». А нехта проста маўчаў».

Пасля выбараў Аксана працягвала працаваць у школе. Па выходных яна хадзіла на маршы. У школе ўсе пра гэта ведалі. Яна размяшчала здымкі ў сваіх сацыяльных сетках. Аднойчы яе выклікала дырэктарка.

«Кажа мне перад кабінетам: «Пакіньце тэлефон пад кабінетам. Я ведаю, што вы мяне запісваеце». (…) Ёй здавалася, што яе ўсе пішуць. (…) Я пакінула тэлефон каля кабінета. Яна мне сказала: «Аксана Мікалаеўна, на вас нейкая справа ў камітэце (ці «там пра вас цікавяцца»). Я вам дапамагу. Прыйдзе час, можа, вы мне дапаможаце».

Па словах жанчыны, яна не зразумела, пра якую дапамогу ідзе гаворка. Сама размова адбылася пасля таго, як яна з іншымі калегамі запісала зварот настаўнікаў.

Праз некаторы час Аксана з'ехала з Беларусі ў Балгарыю, а пасля пачатку поўнамаштабнай вайны ва Украіне пераехала ў Польшчу. Некаторы час у Варшаве яна працавала ў таксі, а затым знайшла працу па доглядзе дзяцей (бэбісітара) у невялікім польскім горадзе.

Каментары16

  • Ад таго, падпісалі вы ці не, нічога не мяняецца
    28.01.2025
    О да. Калi б хоць хтосьцi адказаўся, так бы быў прэцыдэнт. А так канфармiзм. Было б болей супраць, можа было б iнакш.
  • Архиважно
    28.01.2025
    Ну что, все учителя школ замараны. Все директора школ. Все РОНО. Все Гороно. По идее всех пото следует привлекать. Всех увольнять, начиная с директоров школ. Всех лишать пожизненно избирательных прав и прав на занятие любой госдолжности. Короче, диктатура буржуазии на переходный период лет на 5 архинеобходима. По наследникам коммунистов большевистскими методами.
  • Я трохі памятаю савецкія яшчэ выбары
    28.01.2025
    Там усе білютэні дакладна падлічвалі і давалі паперкі старшыні.
    А старшыня пісаў тое, што было загадана з райкама і нікога тое не здзіўляла.
    А паперкі мабыць шлі некуды па іншай лініі, як і сапсаваныя білютэні. На тых білютэнях часцяком ананімкі пісалі.

З 1 лютага ЗША ўводзяць высокія мыты супраць тавараў з Кітая, Канады і Мексікі21

З 1 лютага ЗША ўводзяць высокія мыты супраць тавараў з Кітая, Канады і Мексікі

Усе навіны →
Усе навіны

У Маскве 11-гадовая дзяўчынка забіла бабулю, бо ёй не дазволілі пайсці на прагулку2

Які горад у Беларусі самы сонечны?34

У Гродне заўважылі першага матылька1

«Заўсёды з усмешкай». Былая зняволеная расказала пра гомельскую журналістку Ларысу Шчыракову

У Швецыі асудзілі мужчыну, які п'яны кіраваў дронам. Такое ўпершыню ў гісторыі

У Баранавіцкім раёне жанчыну, верагодна, загрызлі жывёлы

Прыднястроўе дамовілася з Малдовай аб пастаўках газу без Расіі2

Лян Вэньфэн — таемны заснавальнік DeepSeek, які перавярнуў свет штучнага інтэлекту6

550 рублёў за адзін артыкул. Колькі прапагандысты ў СБ зарабілі на ачарненні Бяляцкага, Дашкевіча і Золатавай6

больш чытаных навін
больш лайканых навін

З 1 лютага ЗША ўводзяць высокія мыты супраць тавараў з Кітая, Канады і Мексікі21

З 1 лютага ЗША ўводзяць высокія мыты супраць тавараў з Кітая, Канады і Мексікі

Галоўнае
Усе навіны →

Заўвага:

 

 

 

 

Закрыць Паведаміць